Buldhana News: ५ बहिणींना एकुलता एक भाऊ, जेसीबीखाली चिरडून तरुणाचा मृत्यू, अख्खं गाव हळहळलं

Buldhana Marathi News: पिकात पावसाचे पाणी शिरून पिकाचे नुकसान होऊ नये, यासाठी उमरा देशमुख येथील तरुण शेतकरी अक्षय देशमुख हा आपल्या शेतात जेसीबीच्या साहाय्याने नाली खोदून घेत होता. यावेळी अक्षय केबिन मध्ये चालकाच्या शेजारी बसलेला होता.

अचानक चालकाचे नियंत्रण सुटल्याने जेसीबी पलटी झाली आणि यात अक्षय जेसीबी खाली दबला. घटनेची माहिती मिळताच स्थानिकांनी धाव घेत अक्षयला बाहेर काढले आणि ग्रामीण रुग्णालयात उपचारासाठी हलविण्यात आले मात्र डॉक्टरांनी अक्षयचा मृत्यू झाल्याचे घोषित केले. (Latest Marathi News)

घरातील सर्व जवाबदारी त्याच्यावरचं होती

अक्षय देशमुख याच्याकडे दोन एकर शेती होती. वडिलांच्या निधनानंतर घराची सर्व जबाबदारी तरुण सांभाळत होता. अश्यात पावसाळ्याचे पाणी शेतात शिरून पिकाचे होणारे नुकसान पाहता अक्षयने जेसीबीच्या (JCB) साहाय्याने बांधावर नाली खोदण्याचे काम सुरु केले होते.

मात्र नाली खोदण्याचे काम सुरु असतांना अचानक जेसीबी पलटी झाली, ज्यात अक्षय त्या खाली दबला गेला. याची माहिती परिसरातील नागरिकांना समजल्यावर दुसरा जेसीबी पलटी झालेल्या जेसीबीला काढण्यासाठी बोलावण्यात आलं. त्यानंतर अक्षयला बाहेर कढणून गंभीर अवस्थेत रुग्णालयात नेण्यात आले मात्र, वाटेतच मृत्यू झाला. (Buldhana News)

वडिलांच्या निधना नंतर पाच बहिणीची जबाबदारी आणि अर्धांग्युवायू झालेल्या आईची जबाबदारी त्याच्यावर होती. मात्र नशिबाने साथ सोडली. या घटनेने गावात यामुळे हळहळ व्यक्त होत आहे. अक्षयचा अचानक मृत्यू झाल्यामुळे गावकऱ्यांना सुध्दा धक्का बसला आहे.