Buldhana News: दोन अल्पवयीन मुलीच्या अपहरणाचा प्रयत्न; खेळत असताना तोंडावर टाकले गुंगीचे औषध

बुलढाणा : बुलढाणा जिल्ह्यातील खामगाव शहरात एका महिलेने दोन अल्पवयीन मुलींच्या अपहरणाचा (Kidnapping) प्रयत्न केला आहे. अंगणात खेळत असताना महिलेने मुलींच्‍या तोंडावर गुंगीचे औषध मारून त्‍यांना (Buldhana) पळविण्याचा प्रयत्‍न केला. मात्र हा प्रयत्‍न फसला. (Tajya Batmya)

बुलढाणा जिल्ह्यातील खामगाव शहरातील अकरा वर्षीय दोन्ही चिमुकल्या शंकरनगर भागात खेळत होत्‍या. यावेळी महिलेने या दोन्ही मुलीच्या तोंडावर गुंगीचे औषध असलेला रुमाल टाकला. त्यामुळे दोन्ही मुलींनी आरडाओरडा केली असता मुलीचे आई- वडील त्या ठिकाणी धावून आले. त्यानंतर हा संपूर्ण प्रकार उघडकीस आला आहे.

महिला पोलिसांच्‍या ताब्‍यात

एका मुलीच्या आईच्या तक्रारीवरून खामगाव शहर पोलिसात या महिलेविरुद्ध अपहरणाचा गुन्हा दाखल करून तिला अटक करण्यात आली आहे. पिंकी बोहर नावाची ही महिला अमरावती येथील असल्याचे तिने पोलिसांना सांगितले आहे. या संपूर्ण प्रकारामुळे खामगाव शहरात मोठे भीतीच वातावरण पसरला आहे.