ATM Crime : गॅस कटरच्या सहाय्याने एटीएम फोडले; घटना सीसीटीव्हीमध्ये कैद

बुलढाणा : रात्रीच्या सुमारास एटीएम मशीन फोडीच्या घटना नवीन राहिल्या नाहीत. असाच प्रकार बुलढाणा (Buldhana) जिल्ह्यातील मोताळा तालुक्यातील शेंबा या गावाच्या मुख्य महामार्गावर घडला आहे. येथील एटीएम (ATM) मशीन गॅस कटरच्या साहाय्याने कापून यातील लाखो रुपयांची रोकड लांबविली आहे. (Tajya Batmya)

बुलढाणा जिल्ह्यातील मोताळा तालुक्यातील शेंबा या गावाच्या मुख्य महामार्गावर असलेल्या बँक ऑफ महाराष्ट्राचे (Bank) एटीएम आज सकाळी चार वाजेच्या सुमारास चोरट्यांनी फोडून लाखोची रोकड लांबवल्याची घटना घडली आहे. विशेष म्हणजे एका आलिशान कारमधून आलेले हे चोरट्यांनी अतिशय शांततेने गॅस कटरच्या सहाय्याने (ATM Crime) एटीएम फोडलं. संपूर्ण घटना सीसीटीव्हीत (CCTV) कैद झाली असून चोरटे रोकड घेऊन पसार झाले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अलार्म वाजल्याने गावकरी सतर्क

चोरटे एटीएम फोडत असताना एटीएमचा इमर्जन्सी अलार्म वाजल्याने तात्काळ गावातील नागरिकांनी पोलिसांना माहिती दिली. वीस मिनिटातच पोलीस ही घटनास्थळी पोहोचले, मात्र तोपर्यंत चोरट्यांनी काळ्या रंगाच्या कारमधून पोबारा केला. पुढील तपास बोराखेडी पोलीस करत आहेत.