Cylinder Blast : रिक्षामध्ये ऑक्सीजन सिलेंडर ठेवताना स्फोट; एकाचा मृत्यू, दोनजण जखमी

Buldhana News : रुग्णालयात लागणारे ऑक्सिजन सिलेंडर भरण्याचे काम सुरु होते. तीन ते चार कामगार काम करत होते. रिक्षामध्ये हे ऑक्सीजन सिलेंडर ठेवण्याचे काम सुरु असताना यातून गॅस गळती होण्यास सुरवात झाली
Cylinder Blast
Cylinder BlastSaam tv
Published On

बुलढाणा : बुलढाणा जिल्ह्यातील मलकापूर शहरात दुर्दैवी घटना घडली आहे. रिक्षामध्ये ऑक्सिजन सिलेंडर ठेवताना हि घटना घडली असून यात सिलेंडरचा स्फोट होऊन एका जणांचा मृत्यू झाला आहे. तर दोन जण जखमी झाल्याची घटना घडली आहे. जखमींना लागलीच उपचारासाठी रुग्णालयात दाखल करण्यात आले आहे. 

बुलढाणा जिल्ह्यातील मलकापूर येथील लक्ष्मीनगर परिसरात सदरची घटना आज दुपारच्या सुमारास घडली आहे. रुग्णालयात लागणारे ऑक्सिजन सिलेंडर भरण्याचे काम सुरु होते. तीन ते चार कामगार हे काम करत होते. रिक्षामध्ये हे ऑक्सीजन सिलेंडर ठेवण्याचे काम सुरु असताना यातून गॅस गळती होण्यास सुरवात झाली. काही क्षणातच या सिलेंडरचा स्फोट झाला. यामुळे मोठा आवाज होऊन परिसर हादरला होता. 

Cylinder Blast
Bhoste Ghat Accident : भोस्ते घाटात अपघात; कारला धडक देत उभ्या ट्रकला धडक, २०० फूट खोल दरीत कोसळला ट्रक

एका जणांचा मृत्यू 

ऑक्सिजन सिलेंडरमधून गळती होऊन सिलेंडरचा अचानक स्फोट झाला. स्फोटामुळे सिलेंडरचे तुकडे झाले होते. या स्फोटात एक जण ठार झाला असून दोन जण गंभीर जखमी झाले आहेत. दोन्ही जखमी कामगारांना लागलीच रुग्णालयात उपचारासाठी दाखल करण्यात आले आहे. तसेच रिक्षाचे देखील यात मोठ्या प्रमाणात नुकसान झाले आहे.

Cylinder Blast
Bhusawal Crime : भुसावळ पुन्हा हादरले; पत्नीशी दारूच्या नशेत वाद, पहाटे घरातील दृश्य पाहून कुटुंब हादरले

नागरिकांची धावपळ 

रिक्षामध्ये सिलेंडर ठेवत असताना गॅस गळतीमुळे किंवा अन्य तांत्रिक कारणामुळे हा स्फोट झाला असावा अशी शक्यता व्यक्त केली जात आहे. दरम्यान परिसरात देखील यामुळे मोठा हादरा बसला होता. यामुळे नागरिकांमध्ये घाबरत पसरली होती. घटनेची माहिती मिळताच स्थानिक नागरिकांनी तत्काळ धाव घेत जखमींना मदत केली. त्यानंतर जखमींना पुढील उपचारासाठी रुग्णालयात हलविण्यात आले आहे. या स्फोटामुळे परिसरात भीतीचे वातावरण निर्माण झाले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com