Buldhana जिल्हा मिनी लॉकडाऊनच्या दिशेने, रविवारचा आठवडी बाजार बंद!

बुलढाणा : बुलढाणा जिल्ह्यात कोरोना रुग्णांची संख्या वाढत असल्याने प्रशासनाने प्रतिबंधात्मक उपाय योजना राबवण्यास सुरुवात केली आहे. काल पहिली ते आठवीपर्यंतच्या शाळा बंद करण्याचा निर्णय झाल्यानंतर आज रविवारचा साप्ताहिक आठवडी बाजार (Market) बंद करण्याचा आदेश जिल्हा प्रशासनाने काढला आहे. दुसऱ्या लाटे नंतर आता पुन्हा जिल्हा लोकडाऊन च्या मार्गावर जाताना दिसत आहे.

हे देखील पहा :

रविवारी भरणाऱ्या आठवडी बाजारात होणाऱ्या गर्दीमुळे शहरात पुन्हा कोरोनाचा (Corona) धोका निर्माण होण्याची शक्यता आहे. याच पार्श्वभूमीवर बुलढाणा शहरातील रविवारचा आठवडी बाजार बंद करण्याचा निर्णय घेण्यात आला आहे. महाराष्ट्र सरकारच्या निर्देशानुसार जिल्हा अधिकारी बुलढाणा (Buldhana) यांच्या आदेशान्वये पुढील आदेशापर्यंत रविवारचा आठवडी बाजार बंद राहणार असल्याचे आदेशात नमूद करण्यात आले आहे.

प्रशासन कितीही सांगत असले की कोरोनाचे नियम पाळा, पण राजकीय नेत्यांना याच सोयर सुतक नसल्याचं दिसून येतंय आज बुलढाण्यात विविध विकास कामांचं लोकार्पण करताना बुलढाण्याचे शिवसेना आमदार संजय गायकवाड (Sanjay Gaikwad) यांच्या कार्यक्रमात त्यांनी स्वतः ही मास्क न लावता कार्यक्रमाला हजेरी लावली यावेळी मोठी गर्दी बघायला मिळाली शिवाय गर्दीतील कुणीही मास्क लावलेलं नव्हतं.

Edited By : Krushnarav Sathe