![Breaking News](http://media.assettype.com/saamtv%2F2023-03%2F90b4d1bf-afde-49a0-a448-15e473059cfd%2FCopy_of__Sakal_Thumbnails.jpg?w=480&auto=format%2Ccompress&fit=max)
संजय जाधव, बुलढाणा|ता. २६ मार्च २०२४
बुलढाण्यातून (Buldhana News) एक मोठी दुर्घटना समोर आली आहे. बुलढाणा जिल्ह्यातील खामगाव एमआयडीसीमध्ये भीषण आगीची घटना घडली. एमआयडीसीमधील जगदंबा ॲग्रोला भीषण आग लागली असून आग विझवण्याचे प्रयत्न सध्या सुरू आहेत.
याबाबत अधिक माहिती अशी की, खामगाव एमआयडीसीमधील 'जगदंबा ॲग्रो'ला भीषण आग लागल्याची घटना आज (२६, मार्च) घडली. आगीची माहिती समजताच अग्निशमन दलाच्या कर्मचाऱ्यांनी घटनास्थळी धाव घेतली असून आग विझवण्याचे शर्तीचे प्रयत्न सुरू आहेत. मात्र आगीने उग्ररुप धारण केल्याने आगीवर नियंत्रण मिळविणे कठीण होत आहे.
तसेच आगीचे लोट बाहेर पडत इतर ठिकाणी पसरत आहेत. त्यामुळे बाकी कंपन्यानाही धोका निर्माण झाला आहे. आगीचे लोट बाहेर निघत असल्याने परिसरातही भितीचे वातावरण पसरले आहे. ही आग कशी लागली याबाबतचे कारण अद्याप समोर आले नाही. आगीवर नियंत्रण मिळवण्यासाठी शर्तीचे प्रयत्न सध्या सुरू आहेत. (Maharashtra Breaking News)
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.