उत्तर भारतीयांबद्दल असं कसं बोलू शकता ?; साक्षी महाराजांचा थेट राज ठाकरेंना सवाल

नाशिक : अटकपासून कटकपर्यंत आणि काश्मीरपासून कन्याकुमारीपर्यंत सर्व देश एक आहे. सगळ्यांना सगळ्या ठिकणी जाण्याचा अधिकार आहे. त्यामुळे राज ठाकरे यांनी उत्तर भारतीयांच्या ( Uttar Pradesh ) बद्दल केलेले भाष्य चूकीचेच आहे. विभीषण देखील भगवंतांच्या शरण आला, त्याला देखील भगवंतांनी स्वीकार केले. मग मुंबईत येणाऱ्या उत्तर भारतीयांबद्दल तुम्ही असं कसं बोलू शकतात, असा थेट सवाल भाजप खासदार साक्षी महाराज यांनी मनसे प्रमुख राज ठाकरे ( Raj Thackeray ) यांना केला आहे. ( BJP MP Sakshi Maharaj On MNS Chief Raj Thackeray )

हे देखील पाहा -

भाजप खासदार साक्षी महाराज नाशिक दौऱ्यावर आले आहेत. त्यावेळी पत्रकारांशी संवाद साधला. त्यादरम्यान त्यांनी राज ठाकरे यांच्या भूमिकेवर भाष्य केलं. 'राज ठाकरेंना विरोध करणारे विरोध करताहेत,स्वागत करणारे स्वागत करत आहे. त्यामुळे राज ठाकरे यांनी उत्तर भारतीयांच्या बद्दल केलेले वाक्य चूकीचेच आहे. अटक पासून कटक पर्यंत आणि काश्मीरपासून कन्याकुमारीपर्यंत सर्व देश एक आहे. सगळ्यांना सगळ्या ठिकणी जाण्याचा अधिकार आहे. त्यामुळं अयोध्यावासीयांची राज ठाकरेंनी माफी मागावी एवढीच माफक अपेक्षा आहे. त्यांनतर ठाकरेंनी दर्शनाला यावे'.

पुढे साक्षी महाराज म्हणाले, ' विभीषण देखील भगवंतांच्या शरण आला, त्याला देखील भगवंतांनी स्वीकार केले. मग मुंबईत येणाऱ्या उत्तर भारतीयांबद्दल तुम्ही असं कसं बोलू शकतात, असा थेट सवाल खासदार साक्षी महाराजांनी राज ठाकरे यांना केला आहे. दरम्यान, साक्षी महाराजांनी मशिदीवरील भोंग्यावरही भाष्य केलं. 'उत्तर प्रदेशमध्ये मुस्लिमांनी स्वतःहून मशिदीवरील लाऊड स्पीकर काढले. हा विषय हिंदू मुस्लिम नसून ध्वनी प्रदूषणाचा आहे, असं साक्षी महाराज म्हणाले.

Edited By - Vishal Gangurde