Shraddha Case : दिल्लीत लव्ह जिहाद प्रकरणातून श्रद्धाचा बळी; अनिल बोंडेंचा आरोप

Anil Bonde News : दिल्लीत प्रियकराने प्रेयसीचा गळा चिरून हत्या केल्याची भयंकर घटना घडली आहे. प्रियकर आफताबने हत्या करुन प्रेयसी श्रद्धाच्या शरीराचे तब्बल ३५ तुकडेही केले. दिल्ली येथील मेहरौली परिसरात घडलेल्या या घटनेमुळे देशभर खळबळ उडाली आहे. या खळबजनक घटनेवर भाजप खासदार अनिल बोंडे यांनी सदर प्रकरण हे लव्ह जिहाद प्रकरण असल्याचा आरोप केला आहे. 'आंतरधर्मीय विवाह कायद्यात बदल व्हावा, अशी मागणी बोंडे यांनी केली आहे. (Latest Marathi News)

खासदार अनिल बोंडे यांनी प्रसारमाध्यमांशी संवाद साधला. त्यावेळी अनिल बोंडे यांनी दिल्लीतील घटनेवर भाष्य केलं. अनिल बोंडे (Anil Bonde) म्हणाले, 'सर्व हिंदूच्या मुलींनी जागृत व्हायला हवं. आफताब क्रूर होता. श्रद्धाला त्यानं मारलं. यासाठी कायद्यात सुधारणा व्हावी. आंतरधर्मीय विवाह कायद्यात बदल व्हावा'.

'मुलींना जाळ्यात पकडले जातं. त्याच्यामुळे जनजागृती झाली पाहिजे. आंतरधर्मीय विवाहाला विरोध म्हणण्यापेक्षा या क्रूर पद्धतीला माझा विरोध आहे. त्यासाठी कायदाही अतिशय आवश्यक आहे. कोणी आंतरधर्मीय विवाह (Marriage) करत असेल, तर तो रजिस्टर ऑफ मॅरेज ब्युरोकडेच झाला पाहिजे. त्या मुलीच्या सुरक्षेची हमी मिळाली पाहिजे. तसेच कुटुंबालाही सुरक्षा मिळाली पाहिजे ', असेही बोंडे म्हणाले.

अनिल बोंडे यांनी अमरावती दंगलीला एक वर्ष पूर्ण झाले, त्यावर देखील बोंडे यांनी भाष्य केलं. '४० हजार मुस्लिमांच्या विरोधातील ही प्रतिक्रिया होती. आता पोलीस कारवाई होत आहे. देवेंद्र फडणवीस हे गृहमंत्री झाल्यानं पोलिसांचता आत्मविश्वास वाढला आहे', असे ते म्हणाले.