Bhiwandi : धक्कादायक! शिर धडावेगळं केलं अन् खाडीत फेकलं, भिवंडीत आढळलं महिलेचं शिर

फैय्याज शेख, साम टीव्ही, प्रतिनिधी

Bhiwandi News : भिवंडी येथून एक धक्कादायक घटना उघडकीस आली आहे. भिवंडी शहरात एका खाडीच्या किनारी धड नसलेले महिलेचे शिर आढळून आले आहे. महिलेचे शिर आढळल्याची माहिती मिळाल्यानंतर पोलीस घटनास्थळी दाखल झाले आणि त्यांनी तपासाला सुरुवात केली आहे. या घटनेमुळे परिसरात मोठी खळबळ उडाली आहे.

मिळालेल्या माहितीनुसार, भिवंडी शहरातील ईदगाह रोड येथील खाडी किनारी महिलेचे शिर आढळून आले. घटनास्थळी भोईवाडा पोलीस दाखल झाले. पोलिसांनी घटनास्थळाची तपासणी केली. पोलिसांनी धडावेगळे करण्यात आलेले महिलेचे शिर ताब्यात घेतले आणि फॉरेन्सिक विभागाकडे पाठवले अशी माहिती समोर आली आहे.

महिलेची ओळख करुन तिची हत्या कोणी केली? आणि का केली? याचा शोध घेण्यासाठी पोलिसांसमोर आव्हान आहे. महिलेचे शिर कोठून खाडीपात्रात वाहून आले आहे याचा तपास पोलीस करत आहेत. खाडीत धडावेगळे असलेले शिर आढळल्याने स्थानिक नागरिकांमध्ये भीतीचे वातावरण निर्माण झाले आहे.

खडकवासला धरण परिसरात आढळला अज्ञात व्यक्तीचा मृतदेह

पुण्यातील खडकवासला धरणाच्या पाणलोट क्षेत्रातील पुणे-पानशेत रस्त्यालगत असलेल्या सोनापूर गावाजवळीत नदीपात्रामध्ये काल (२९ ऑगस्ट) रात्री उशिरा एका अज्ञात व्यक्तीचा मृतदेह फुगलेल्या अवस्थेत आढळून आला. अचानक पाण्यात मृतदेह आढळून आल्याने पसिरातील नागरिकांमध्ये एकच खळबळ उडाली आहे.