Bhandara News : जनावरांची वाहतूक करणारा ट्रक पकडला, ४५ जनावरांची सुटका; कारधा पोलिसांची कारवाई

शुभम देशमुख 
भंडारा : भंडारा जवळील कारधा चौकात मध्यरात्री दरम्यान कारधा पोलीस रात्र गस्तीवर वाहनांची तपासणी दरम्यान कत्तलीच्या उद्देशाने जनावरांना घेऊन जाणाऱ्या ट्रक पकडण्याची कारवाई केली. पोलिसांनी केलेल्या या कारवाईत ७ लाख ८० हजार रूपयांचा मुद्देमाल जप्त करून ४५ जनावरांची सुटका केली.

भंडारा (Bhandara) जिल्ह्यातील कारधा ठाण्यातील पो. नि. गणेश पिसाळ, पो. ना. विकास जाधव, पो. अ. अमोल वाघ, पो. शि. अमित काळे हे कारधा चौकात रात्री गस्तीवर होते. या दरम्यान त्यांनी वाहनांची तपासणी करीत होते. या तपासणी दरम्यान ट्रकला थांबवून चौकशी केली असता ट्रकमध्ये ४५ जनावरे निर्दयतेने कोंबून नेट असल्याचे निदर्शनास आले. ही जनावरे कत्तलीकरीता नेत असल्याच्या प्राथमिक संशयावरून (Police) पोलिसांनी ट्रक जप्त केला. 

ट्रक चालकावर गुन्हा दाखल 

पोलिसांनी केलेल्या या कारवाईत ४५ जनावरांची सुटका केली. यानंतर सर्व जनावरांना मालीपार चांदोरी येथील गो शाळेत पाठविण्यात आले. तसेच या कारवाईत सुमारे ७ लाख ८० हजार रुपयांचा मुद्देमाल हस्तगत केला आहे. तसेच पोलिसांनी ट्रक चालक मोहम्मद युसूभरा. मुर्तीजापूर याचे विरूद्ध गुन्हा दाखल करण्यात आला आहे. याचा आणखी तपस पोलीस करत आहेत.