शुभम देशमुख
भंडारा : शेतात पिकांची पाहणी करण्यासाठी गेलेल्या शेतकऱ्यावर शिकारीच्या शोधात असलेल्या अस्वलाने अचानक हल्ला चढविला. यात (Farmer) शेतकरी गंभीर जखमी झाल्याचे घटना घडली. ही घटना (Bhandara) भंडारा जिल्ह्याच्या लाखांदूर तालुक्यातील मडेघाट शेत शिवारात घडली. माणिक देवाजी मेश्राम (वय ५०) असे अस्वलाच्या हल्ल्यात जखमी झालेल्या शेतकऱ्याचे नाव आहे. (Latest Marathi News)
भंडारा जिल्ह्यातील मडेघाट शिवारात घडलेल्या या घटनेतील जखमी माणिकची मडेघाट शेतशिवारात मालकी शेती आहे. यंदाच्या रब्बी हंगामात शेतात विविध रब्बी पिकांची लागवड केली आहे. घटनेच्या दिवशी सकाळच्या सुमारास माणिक शेतातील पिकांची पाहणी करण्यासाठी गेले असता शिकारीच्या शोधात दबा धरून बसलेल्या अस्वलाने माणिक यांच्यावर हल्ला चढविला. या हल्ल्यात माणिक गंभीररित्या जखमी झाले आहेत. ही घटना परिसरातील शेतकऱ्यांसह अन्य शेतमजुरांच्या लक्षात येताच त्यांनी तात्काळ माणिकला उपचारासाठी लाखांदूर येथील ग्रामीण रुग्णालयात दाखल केले. मात्र माणिकची प्रकृती अधिकच चिंताजनक असल्याने त्यांना पुढील उपचारासाठी भंडारा येथील जिल्हा सामान्य रुग्णालयात हलविण्यात आले आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
वन विभागाकडून पाहणी
दरम्यान, शेत शिवारात रब्बी पिकांची पाहणी करण्यासाठी गेलेल्या शेतकऱ्यावर अस्वलाने हल्ला चढवीत जखमी केल्याची माहिती स्थानिक लाखांदूर (Forest Department) वन विभागाला मिळताच लाखांदूरचे वनपरिक्षेत्राधिकारी रुपेश गावित यांच्या मार्गदर्शनात वनरक्षक गुलाब पोवळे यांनी घटनास्थळी पोहचत घटनेचा पंचनामा केला. या घटनेत जखमी शेतकऱ्याला शासनाकडून नुकसान भरपाई मिळण्याची मागणी केली जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.