35 हजार रुपयांची मागणी करणाऱ्या तलाठ्याला भंडारा एसीबीकडून अटक

अभिजित घोरमारे

भंडारा - लाखनी तालुक्यातील पिंपळगाव येथील तलाठ्याला लाचलुचपत विभागाने अटक केली आहे. शेतीचे फेरफार करून देण्यासाठी 35 हजार रुपयांची लाच या तलाठ्याने एका शेतकऱ्याकडून मागितली होती. विदार्थ कोठीराम मेश्राम वय 52 वर्ष असे अटक करण्यात आलेल्या तलाठ्याचे नाव आहे. Bhandara ACB arrests Talathi for demanding Rs 35,000

तक्रारदार शेतकऱ्याची पिंपळगाव येथे वडिलोपार्जित शेती आहे. त्यांनी हिस्से वाटप करून शेतीचा फेरफार करण्यासाठी पिंपळगाव येथील तलाठी कार्यालयात अर्ज केला होता. यावेळी आरोपी तलाठी विदार्थ मेश्राम यांनी तक्रारदारास फेरफार करून देण्यासाठी 35 हजार रुपयांच्या लाचेची मागणी केली आहे.

मात्र तक्रारदारास लाच देण्याची मुळीच इच्छा नसल्याने त्यांनी भंडारा लाचलुचपत विभाग गाठत तक्रार दिली. लाचलुचपत विभागाने तक्रारीची शहानिशा करून सापळा रचून आरोपीस रंगेहात पकडण्यात आले. आरोपी द्वारे 35 हजार रूपयाची लाच घेण्याची तयारी दर्शविल्याप्रकरणी लाचलुचपत विभागाने अटक केली आहे. एसीबीच्या या धडक कार्रवाईने भ्रष्ट अधिकाऱ्यांचे धाबे दणाणले आहेत.

Edited By : Krushnarav Sathe