#परीक्षांचाधंदाथांबवा: चुकीच्या निर्णयामुळे विद्यार्थ्यांचे कोट्यावधींचे नुकसान : सुरेश धस

बीड : आरोग्य विभागाचा बेजबाबदारपणा चव्हाट्यावर आल्यानं भाजप आमदार सुरेश धस यांनी सरकारसह आरोग्य विभागावर सडकून टीका केलीय. गोंधळलेल्या सरकारच्या चुकीच्या निर्णयामुळे, लाखो विद्यार्थ्यांचे कोट्यावधी रुपयांचे नुकसान झाले आहे. यामध्ये विद्यार्थ्यांची हेळसांड करण्याचे पाप या सरकारने केले आहे.

हे देखील पहा :

अशी सडकून टीका करत, अगोदरच बदनाम असणाऱ्या न्यासा कंपनीला कोणत्या हेतुने आरोग्य खात्याने परीक्षेची जबाबदारी दिली होती. याची चौकशी करून तात्काळ कारवाई करावी. अशी मागणी देखील आमदार सुरेश धस यांनी केली आहे.

ते म्हणाले, की आरोग्य विभागाच्या चुकीच्या धोरणामुळे गट 'क ' आणि गट 'ड' या पदाच्या परीक्षा रद्द केल्याने राज्यातील अनेक विद्यार्थ्यांची हेळसांड झाली आहे. राज्यामध्ये आरोग्य विभागाने जो गोंधळ मांडला आहे. या गोंधळात राज्यातील १५०० परीक्षा केंद्रावर विद्यार्थी परीक्षेला बसणार होते.

मात्र, या गोंधळलेल्या सरकारच्या चुकीच्या निर्णयामुळे लाखो विद्यार्थीचे कोट्यवधी रुपयांचे नुकसान झाले आहे.यामध्ये विद्यार्थ्यांची हेळसांड करण्याचे पाप या सरकारने केले आहे. असा घणाघाती आरोप भाजपचे आ. सुरेश धस यांनी राज्य सरकार व आरोग्य विभागावर केलाय.

Edited By : Krushnarav Sathe