योगेश काशीद
बीड : परळीतील व्यापारी महादेव मुंडे यांची साधारण दीड वर्षांपूर्वी हत्या करण्यात आली होती. यानंतर देखील आरोपी मोकाट असून आरोपींना पकडून त्यांच्यावर कठोर कारवाईची मागणी कुटुंबियांकडून करण्यात येत आहे. मात्र अद्याप कारवाई होत नसल्याने कुटुंबीयांचा संयम सुटला आणि मुंडे कुटुंबीयांनी आज आत्मदहनाचा प्रयत्न केला. तर पत्नीने विष प्राशन केले असून त्यांच्यावर रुग्णालयात उपचार सुरु आहेत.
बीड जिल्ह्यातील परळी येथील व्यापारी महादेव मुंडे यांची हत्या करण्यात आल्याची खळबळजनक घटना घडली होती. महादेव मुंडेंच्या हत्येला १८ महिने पूर्ण झाल्यानंतरही आरोपीला अटक होत नसल्याने मुंडे कुटुंबीय आक्रमक झाले आहेत. दरम्यान आज सकाळी मुंडे कुटुंबियांनी आत्मदहन करण्याचा प्रयत्न केला होता. मात्र काही जणांनी मध्यस्थी केल्याने अनर्थ टळला होता.
पत्नी ज्ञानेश्वरीने केले विष प्राशन
दरम्यान पत्नी ज्ञानेश्वरी मुंडे यांनी पोलीस अधीक्षकांच्या भेटीनंतर बाहेर येऊन मीडियाशी संवाद साधला. यानंतर परत त्यांच्या गाडीत बसल्यानंतर विष प्राशन केल्याची माहिती समोर आली. यानंतर त्यांना बेशुद्ध अवस्थेत बीडच्या जिल्हा रुग्णालयात दाखल करण्यात आले असून त्यांच्यावर उपचार सुरु आहेत.
रस्त्यावर उतरून लढाई सुरू करू : विजयसिंह बांगर
परळी मधील व्यापारी महादेव मुंडे हत्या प्रकरणाला 18 महिने उलटूनही आरोपी निष्पन्न होत नसल्याने मुंडे कुटुंबाने न्यायासाठी टोकाचा इशारा दिला. तर आज विजयसिंह बाळा बांगर यांनी परळीतील मयत व्यापारी महादेव मुंडे यांच्या कुटुंबीयांची भेट घेतली. न्यायाच्या या लढाईत सोबत राहणार असल्याची विजयसिंह बांगर यांनी मुंडे कुटुंबियांना ग्वाही दिली. आरोपी निष्पन्न न झाल्यास रस्त्यावर उतरून आंदोलनाचे स्वरूप मोठे करण्याचा बांगर यांनी इशारा दिला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.