Child Marriage: आष्टीत २ बालविवाह थांबविले; चाईल्ड लाईन आणि पोलिसांची कारवाई

बीड : बीड जिल्‍ह्यात बालविवाह झालेल्‍या अनेक प्रकार समोर आले आहेत. असे असताना देखील (Beed) बीडच्‍या आष्‍टी तालुक्‍यात दोन बालविवाह थांबविले आहेत. चाईल्‍ट लाईन व पोलिसांनी ही कारवाई केली आहे. (Latest Marathi News)

आष्टी तालुक्यातील बीड- नगर राज्य महामार्गावरील दोन मंगल कार्यालयात या दोन अल्पवयीन मुलींचे विवाह होणार आहेत. अशी माहिती चाईल्ड लाइनकडून अंभोरा पोलिसांना मिळाली होती. त्यानंतर अंभोरा पोलिस ठाण्याचे सहायक पोलीस निरीक्षक रोहित बेंबरे, चाईल्ड लाईन सदस्य तत्वशील कांबळे, धामणगांव येथील ग्रामसेवक सायंबर यांनी दोन्ही ठिकाणी जाऊन होणारे बालविवाह (Child Marriage) रोखले आहेत.

आई– वडीलांना समज देवून सोडले

आष्टी (Ashti) तालुक्यात १६ आणि १७ वर्षीय अशा दोन अल्पवयीन मुलींचा बालविवाह चाईल्ड लाईन आणि पोलिसांनी थांबविला आहे. दरम्यान यावेळी मुलीच्या आई– वडिलांना तिचे वय पूर्ण झाल्यावरच लग्न लावून द्या, अशी समज देण्यात आली.