Beed News: कुटुंबीय मंदिरातील सप्‍ताहात लीन; मुलाचा तलावाच्या पाण्यात बुडुन मृत्यू

बीड : बीडच्या बेलेश्वर संस्थान परिसरातील तलावात १० वर्षीय मुलाचा मृतदेह (Beed) आढळल्याने एकचं खळबळ उडाली. शिवराय अशोक वायभट (रा. पिंपरनई) असं मयत मुलाचे नाव आहे. (Maharashtra News)

बीड येथील बेलेश्वर मंदिरात तीन दिवसीय सप्ताह सुरू आहे. या सप्ताहसाठी मंदिरात शिवराय व कुटुंबीय आले होते. सप्‍ताहात सुरू असलेल्‍या कार्यक्रमात कुटुंबीय लीन असताना मुलगा तेथून मंदिराच्‍या बाहेर पडला. आपला मुलगा न दिसल्याने कुटुंबीयांनी त्याची शोधाशोध सुरू केली. आजूबाजूच्‍या परिसरात देखील विचारपूस केली. परंतु, मुलगा दिसून आला नाही.

तलावाकाठी कपडे व चप्‍पल

या दरम्यान याच मंदिरा लगत असणाऱ्या तलावाच्या काठावर कपडे व चप्पल आढळली. यादरम्यान गावकाऱ्यांसह नेकनूर पोलिसांनी पाण्यात उतरून पाहिलं असता शिवरायचा मृतदेह मिळून आला. दरम्यान मयत शिवराय नेमकं पोहण्यासाठी तलावात गेला होता की त्याचा घातपात झाला? याचा तपास नेकनूर पोलीस करत आहेत.