Beed News : हमाल मापाडी संघटनेचे अर्धनग्न आंदोलन; मजुरीसाठी २३ दिवसांपासून आंदोलन

बीड : मजुरी मिळत नसल्याने हमाल मापाडी संघटनेचे २३ दिवसापासून जिल्हाधिकारी कार्यालयासमोर धरणे (Beed) आंदोलन सुरु आहे. या आंदोलनाची दखल अद्यापपर्यंत घेतली न गेल्याने संघटनेच्यावतीने आज सरकारचे लक्ष वेधण्यासाठी अर्धनग्न आंदोलन करत घोषणाबाजी केली. (Tajya Batmya)

मजुरी मिळत नसल्याने हमाल मापाडी संघटनेच्या वतीने बीडच्या जिल्हाधिकारी कार्यालयासमोर धरणे आंदोलन करण्यात येत आहे. या आंदोलनाचा आज २३ वा दिवस असून प्रशासन आणि सरकारचे लक्ष वेधण्यासाठी हमालांनी अर्धनग्न आंदोलन केले. आम्हाला रोजगार वाढवून देण्यात यावा, त्याचबरोबर शासनाकडे थकीत (Beed News) असलेले हमालांचे वेतन तात्काळ देण्यात यावं. अशी मागणी हमाल मापाडी संघटनेच्या वतीने करण्यात आली असून थेट वाहतूक धोरणामुळे हमालांच्या उदरनिर्वाहाचा प्रश्न निर्माण झाला आहे.. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शासनाकडेही मजुरी बाकी 

दुसरीकडे शासनाकडून वाटण्यात आलेल्या आनंदाचा शिधा याची देखील मजुरी आम्हाला मिळालेली नाही. त्यामुळे सरकारने तात्काळ मागण्या मान्य कराव्यात. यासाठी हमाल मापाडी संघटनेच्या आंदोलकांनी बीडच्या जिल्हाधिकारी कार्यालयासमोर अर्धनग्न आंदोलन केलं.