Beed News : हरणाची शिकार करणारे चारजण ताब्यात; बीडच्या केज तालुक्यात मोठी कारवाई

बीड : वन्य प्राण्यांची शिकार करणे कायद्याने गुन्हा आहे. तरी देखील हरणाची शिकार करू मांस विक्री केली जात असल्याचा प्रकार बीड जिल्ह्यात समोर आला आहे. स्थानिक गुन्हे शाखेच्या पथकाने कारवाई करत चार जणांना ताब्यात घेतले आहे.  

बीडच्या (Beed) केज तालुक्यात वरपगाव येथे स्थानिक गुन्हे शाखेच्या पथकाने मोठी कारवाई केली आहे. हरणाची शिकार केल्याची माहिती पोलिसांना (Police) मिळाल्यानंतर पोलिसांनी हि कारवाई केली आहे. या कारवाईत हरणाची शिकार करून त्याच्या मासांची वाटणी करत असताना चौघांना रंगेहाथ ताब्यात घेत त्यांना अटक केली आहे. भैय्या बन्सी पवार, सुनिल ज्ञानोबा पवार, लाला शहाजी शिंदे असं तीन आरोपींचे नाव असून एक अल्पवयीन आरोपी मुलगा आहे. 

दरम्यान या प्रकरणी बीडच्या केज पोलीस ठाण्यात संशयित आरोपी भैय्या बन्सी पवार, सुनिल ज्ञानोबा पवार, लाला शहाजी शिंदे आणि एक अल्पवयीन आरोपी यांच्यावर वन्य जीव प्राणी संरक्षण कायदा अधिनियम 1972 चे कलम 3, 49, 50, 51 नुसार गुन्हा दाखल करण्यात आला आहे.