Beed: मुलाच्या आत्महत्येच्‍या आठ दिवसानंतर वडिलांनी उचलले टोकाचे पाऊल

बीड : बीडच्या धारूर तालुक्यातील असोला गावात एका 27 वर्षीय तरुण शेतकऱ्याने विष प्राशन करून आत्महत्या केली. सदर घटना 8 दिवसांपूर्वी घडली असताना मुलाच्या आत्महत्येच्या धक्क्याने वडिलांनी देखील गळफास घेऊन (Suicide) आत्महत्या केल्याची घटना आज उघडकीस आल्याने खळबळ उडाली आहे. (Beed News Suicide Case)

बीड (Beed) येथील श्रीकृष्ण मोहन चोले (वय 27) असे मुलाचे नाव तर मोहन पंढरी चोले (वय 50) असे वडिलांचे नाव आहे. यांनी कोळपिंपरी शिवारातील एका बाभळीच्या झाडाला गळफास घेऊन आत्महत्या केली. मुलापाठोपाठ 8 दिवसातच वडीलांनी आत्महत्या केल्याने हळहळ व्यक्त केली जात आहे.

तेव्‍हा वडील होते पंढरपूर वारीत

मोहन चोले यांनी मुलाच्या विरहातून हे टोकाचे पाऊल उचलले असावे; असा प्राथमिक अंदाज वर्तविण्यात येत आहे. नेमके आत्महत्येचे कारण पोलीस तपासात स्पष्ट होईल. मुलाने आत्महत्या केली तेव्हा वडील हे पंढरपूर (Pandharpur) येथे वारीमध्ये गेले होते. त्यांना माहिती मिळताच ते गावी आसोला येथे परत आले. दरम्यान मुलाने गेल्या शुक्रवारी तर या शुक्रवारी वडीलांनी टोकाचे पाऊल उचलले.