बीड : बीड बसस्थानकामधून परभणीला जाण्यासाठी बसने निघालेल्या प्रवाशाचे 58 हजार रुपये चोरट्यांनी लंपास (Robbery) केल्याची घटना घडली. यानंतर बस थेट (Police) पोलिस स्टेशनला नेवून प्रवाशांची तपासणी करण्यात आली. (Maharashtra News)
परभणीला (Parbhani) जाण्यासाठी बसने निघालेल्या प्रवाशाजवळ काही रोख रक्कम होती. परंतु, बस मार्गास्थ होत असताना प्रवाशाजवळ असलेली ५८ हजार रूपयांची रक्कम चोरट्याने लंपास केली. वडवणीत ही बाब निदर्शनास आल्यानंतर (Beed News) प्रवाशाने आरडाओरड सुरू केली. अखेर एसटी बस थेट वडवणी पोलीस ठाण्यात नेऊन तेथे बसमधील सर्वच प्रवाशांची झडती घेतली गेली.
तिकिटासाठी खिशात हात घातला अन्
तिकीट काढण्यासाठी खिशात हात घातला. तेव्हा 58 हजार रुपये गायब असल्याचे निदर्शनास आले. या दरम्यान बस वडवणीजवळ पोहोचली होती. चोरटा बसमध्येच असल्याचा संशय आल्याने बस थेट वडवणी पोलिस ठाण्यात नेण्यात आली. बसमध्ये एकूण 46 प्रवासी होते. मात्र चोरटा आढळून आला नाही. दरम्यान अज्ञात चोरट्या विरोधात गुन्हा दाखल करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
