Accident News: पीएमटी बस– दुचाकीची धडक; विद्यार्थ्याचा जागीच मृत्यू

पुणे : पुण्यात नांदोशी आणि सणसनगर या गावांच्या दरम्यान पीएमटी बस आणि दुचाकीची समोरासमोर धडक (Accident) झाली. या धडकेत किरकटवाडीतील अकरावीत शिकत असलेल्या विद्यार्थ्याचा जागीच मृत्यू झाला. (Letest Marathi News)

स्वराज दत्ता हगवणे असे मृत झालेल्‍या (Student) विद्यार्थ्याचे नाव आहे. स्वराज हा सकाळी कॉलेजला जातो, म्हणून घरातून गेला होता. कॉलेजमधील मित्रांनी मिळून सणसनगर येथील विहिरीत पोहायला जाण्याचे ठरवले. कॉलेजचे लेक्‍चर बंक करत सहा मित्र दुचाकींवरुन सणसनगर येथे गेले.

परत जाताना वळणावर अपघात

तेथून परत येताना मंगळवारी (१५ नोव्‍हेंबर) दुपारी तीन वाजण्याच्या सुमारास नांदोशी व सणसनगर या गावांदरम्यान असलेल्या ओढ्याजवळील वळणावर किरकटवाडीकडून सणसनगरकडे येत असलेल्या पीएमटी बसची आणि स्वराज चालवत (Accident News) असलेल्या दुचाकीची समोरासमोर जोरदार धडक झाली. यात त्याच्या डोक्याला गंभीर दुखापत झाली. मेंदूत रक्तस्त्राव झाल्यामुळे मध्यरात्री उपचारांदरम्यान स्वराज हगवणे याचा मृत्यू झाला.