भीषण अपघातात दोघे ठार; बीड जिल्ह्यातील घटना

बीड: बीडच्या धारुर तालुक्यातील तेलगाव आणि भोगलवाडी या दोन ठिकाणी झालेल्या अपघातात (accident), २ ठार तर २ जखमी झाले आहेत. वडवणी तालुक्यातील बाबीतांडा येथून दोन सख्खे भाऊ आदित्य व अभिजित हे दुचाकीवर तेलगावला आले होते. यादरम्यान ऊस घेऊन जाणाऱ्या ट्रॅक्टरने (tractor) दुचाकीला जोरदार धडक दिल्यामुळे, झालेल्या अपघातात, आदित्य शंकर राठोड (वय- २०) हा ठार झाला. तर अभिजित शंकर राठोड (वय- २२) हा गंभीर जखमी झाला आहे. (Beed Accident)

हे देखील पाहा-

दुसरा अपघात (accident) धारूर (Dharur) तालूक्यातील सोनीमोहा येथील महादेव साहेबराव तोंडे (वय- ३८) रघुनाथ वैजनाथ तोंडे (वय-४२) हे दोघे भोगलवाडी येथे दुचाकीवर लग्नासाठी जात होते. यादरम्यान भोगलवाडी पाटीवर एका अज्ञात भरधाव कारने दुचाकीला धडक दिली आहे.

या झालेल्या अपघातात महादेव तोंडे यांचा मृत्यू झाला असून रघुनाथ तोंडे हे गंभीर जखमी झाले आहेत. दरम्यान या दोन्ही अपघाताची नोंद धारूर पोलीस ठाण्यात करण्यात आली असून पुढील तपास धारूर पोलीस करत आहेत.

Edited By- Digambar Jadhav