Satish Bhaosale : खोक्या भाईच्या घरात सापडलेल्या 'त्या' पिशवीत काय? गूढ आणखी वाढलं, प्रकरणाला मोठं वळण

बीड : खोक्या उर्फ सतीश भोसले याला अटक करण्यात आली आहे. उत्तर प्रदेशातील प्रयागराज येथून त्याच्या मुसक्या आवळण्यात आल्या. त्याच्यावर विविध प्रकरणात गुन्हे देखील दाखल करण्यात आले आहेत. आता वनविभागाकडून देखील खोक्याला मोठा दणका देण्यात आला आहे. खोक्या राहत असलेलं घर हे वनविभागाच्या हद्दीत असल्याचं समोर आलं आहे, या प्रकरणात वनविभागाकडून त्याच्यावर गुन्हा दाखल करण्यात आला आहे. तसेच आज त्याच्या घरावर बुलडोझर देखील चालवण्यात आलं.

सतीश भोसलेचं घर पाडण्यापूर्वी त्यातील सामान एका ट्रॅक्टरमध्ये ठेवण्यात आलं. मात्र खोक्याच्या घरातील सामान बाहेर काढत असताना त्याच्या घरामध्ये वनविभागाला एका पिशवी देखील आढळून आली आहे. वनविभागानं त्याच्या घरातील इतर सामान ट्रॅक्टरमध्ये ठेवलं, मात्र ती पिशवी वेगळी ठेवण्यात आली आहे. या पिशवीमुळे आता या प्रकरणातील गूढ आणखी वाढलं आहे. या पिशवीमध्ये नेमकं काय आहे? हे अद्याप समोर येऊ शकलेलं नाहीये. मात्र या पिशवीत काही तरी महत्त्वाची गोष्ट असावी असा अंदाज व्यक्त केला जात आहे.