'तुम्ही आणि आम्ही आतमध्ये असल्यामुळे वाचलात. बाहेर भेटला असता तर संतोष देशमुखपेक्षा वाईट हाल केले असते अशी धमकी सुदर्शन घुलेने महादेव गितेला जेलमधील मारहाणीदरम्यान दिली होती.', अशी माहिती महादेव गितेच्या पत्नी मिरा गिते यांनी दिली.
सरपंच बापू आंधळे हत्या प्रकरणातील आरोपी महादेव गितेची पत्नी मिरा गिते यांनी पोलिस अधिक्षक नवनित कावत यांची बीडमध्ये भेट घेतली होती. यावेळी त्यांनी जेलमधील घटनेविषयीची माहिती पोलिस अधिक्षकांना दिली. परंतु पोलिस अधिक्षकांनी जेल प्रशासनाकडे पाठपुरावा करण्याच्या सूचना त्यांना केल्या.
दरम्यान जेलमधील मारहाण ही वाल्मीक कराडच्या सांगण्यावरुनच झाली. ३ दिवसांपासून त्यांची प्लॅनिंग सुरू होती. अगदी या मारहाणीत लाठ्या काठ्या देखील वापरल्या असल्याचा आरोप मिरा गिते यांनी केला आहे. प्रारंभी वाल्मीक कराड आणि सुदर्शन घुले याला मारहाण झाल्याची चर्चा होती. पण नेमकं जेलमध्ये काय घडलं होते हे सगळं सीसीटीव्ही फुटेज समोर आणल्यास सगळे काही समोर येईल असे म्हटले आहे.
जेलमध्ये संतोष देशमुख यांचे मारेकरी आणि विलास गिते, रघु फड आणि सुदिप सोनवणे यांनी माझ्या पतीवर हल्ला केला असून या प्रकरणाची चौकशी व्हावी यासाठी मी पाठपुरावा करणार असल्याचे देखील मिरा गिते यांनी सांगितले आहे. तर, 'राजेश नेहरकरने देखील त्यांच्या पत्नीला ही मारहाण झाल्यानंतर फोन केला होता की आम्हाला मारहाण झाली आणि आम्हालाच या ठिकाणाहून हलवत आहेत.' असे जयश्री नेहरकर यांनी सांगितले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.