बीड शहरातून एक संतापजनक घटना समोर आली आहे. एका तरुणाने १७ वर्षीय अल्पवयीन तरुणीचा आंघोळ करतानाचा व्हिडिओ काढून दुसऱ्या तरुणाला पाठवला. या तरुणाने तिला ब्लॅकमेलिंग करण्यास सुरुवात केली. या ब्लॅकमेलिंगला कंटाळून तरुणी दुसऱ्या तरुणाकडे मदत मागायला गेली. मात्र, या तरुणाने तिची मदत न करता तिच्यावर अत्याचार केला. (Latest Marathi News)
ही धक्कादायक आणि संतापजनक घटना बीड शहरातील (Beed News) शिवाजी नगर पोलीस ठाण्याच्या हद्दीत घडलीय. या प्रकरणी रात्री उशिरा तिघाविरुद्ध शिवाजीनगर पोलिस ठाण्यात गुन्हा दाखल झाला आहे. अनिल सोमनाथ लांडे (रा. घाटसावळी, ता. बीड) असे अत्याचार करणाऱ्या नराधम आरोपीचे नाव आहे.
पोलिसांनी त्याला अटक केली आहे. तर इतर दोन आरोपी अद्यापही फरार आहे, पोलिसांकडून त्यांचा शोध घेतला जात आहे. मिळालेल्या माहितीनुसार, एका १७ वर्षीय मुलीचा आंघोळ करतानाचा व्हिडीओ एका तरुणाने मोबाइलमध्ये रेकॉर्ड (Crime News) केला. त्या तरुणाने हा व्हिडीओ त्याच्या मित्रास शेअर केला.
त्याने पीडित मुलीस ब्लॅकमेल करण्यास सुरुवात केली. त्यामुळे ती घाबरून गेली. या संकटातून सुटका व्हावी या उद्देशाने ती मदतीसाठी अनिल लांडे याच्याकडे गेली असता तिला रूममध्ये नेऊन अनिलने तिच्यावर अत्याचार केला. हा प्रकार काही नागरिकांना लक्षात आल्यानंतर त्यांनी याची माहिती शिवाजी नगर पोलिसांना दिली.
त्यानंतर पीडितेच्या तक्रारीवरून तिघांवर पोक्सो अॅक्ट, बलात्कार व माहिती तंत्रज्ञान कायद्यानुसार गुन्हा दाखल झाला आहे. गेल्या काही दिवसांपासून बीडमध्ये गुन्हेगारीच्या घटनांमध्ये मोठी वाढ झाली आहे. गुन्हेगारांना पोलिसांचा तसेच कायद्याचा धाकच उरला नाहीये का? असा प्रश्न या घटनेनं उपस्थित होतोय.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.