Beed Ash Mafia: बीडच्या राख माफियांना दणका; वाल्मिक कराडच्या साम्राज्याची 'राख'

गँग्ज ऑफ वासेपूरच्या धनबादमध्ये कोळशातून गुन्हेगारी जन्माला आली. तर त्याच कोळशाच्या राखेतून वाल्मिक कराडची गँग्ज ऑफ परळी जन्माला आली. माफियांचं काळं साम्राज्य उभं राहिलं. मात्र आता परळीच्या औष्णिक विद्यूत केंद्राने वाल्मिक कराडच्या सत्तेला सुरुंग लावलाय. निविदा असलेल्याच कंपन्यांना आता परळीच्या दाऊतपूर तलावातून राख उपसण्याची परवानगी देण्यात आलीय.

राख, राखेतून पैसा, पैशातून सत्ता मिळवत कराडने खंडणी, खून, मारामाऱ्या करुन काळं साम्राज्य उभं केलं. मात्र आता 16 निविदाधारक कंपन्यांच्या माध्यमातून पोलीस बंदोबस्तात राखेच्या वाहतूकीची परवानगी मान्यता दिलीय. मात्र या राखेचं काळं अर्थकारण नेमकं कसं आहे? पाहूयात.

परळीच्या राखेचं काळं अर्थकारण

परळी औष्णिक विद्यूत केंद्रातून 600-700 ट्रक राखेची अवैध वाहतूक

एक ट्रक राखेला 18 ते 20 हजारांचा भाव

दररोज 1 ते सव्वा कोटींच्या राखेची विक्री

महिनाभरात 36 कोटी तर वर्षभरात 450 कोटींची कमाई

52 वर्षांपासून राख माफियांकडून वाहतूक

अनेक वर्षांपासून राखेचं अधिकृत कंत्राट नाही

परळीत राख माफियांना लगाम घालण्याच्या निर्णयाचं स्वागत करतानाच आमदार सुरेश धसांनी पोलिसांकडे बोट दाखवलंय.राखेतून फिनिक्स पक्ष भरारी घेतो. मात्र बीडमध्ये वाल्मिक कराडने राखेतून काळ्या कारनाम्यांचं साम्राज्य उभं केलं. मात्र औष्णिक विद्यूत केंद्र आणि पोलीसांच्या दुर्लक्षामुळेच कराडसारखे हैवान गब्बर झाले. मात्र आता पोलीसांनी घेतलेली भूमिका कायम राहणार की पुन्हा नव्या हैवानांच्या काळ्या कारनाम्यांमुळे बीडची राख होणार का ? हेच पाहायचं