Beed Car Accident News: बीड जिल्ह्यातून भीषण अपघाताची घटना समोर आली आहे. बीड -पाथर्डी महामार्गावरील मानूर परिसरात भाविकांच्या कारला भीषण अपघात झाला. या अपघातात मामासह ८ महिन्यांच्या भाचीचा दुर्देवी मृत्यू झाला, तर कुटुंबातील ६ जण जखमी झाले आहेत. जखमींना तातडीने उपचारासाठी रुग्णालयात दाखल करण्यात आलं आहे. (Latest Marathi News)
गोकुळ नाईकनवरे (वय ४० वर्ष रा.तागडगाव) दिव्या मडके (वय ८ महिने रा. देवी निमगाव) अशी मृतांची नावे आहेत. देवदर्शनासाठी निघालेल्या मामासह भाचीचा अपघातात मृत्यू झाल्याने परिसरातून हळहळ व्यक्त होत आहे.
मिळालेल्या माहितीनुसार, मयत ऊसतोड कामगार गोकुळ नाईकनवरे हे ऊसतोडणीची उचल घेऊन कुटुंबासह मोहटा देवीच्या दर्शनासाठी निघाले होते. दरम्यान शिरूर कासार तालुक्यातील (Beed News) मानूर परिसरात त्यांची भरधाव कार झाडावर धडकली.
हा अपघात (Accident) इतका भीषण होता की, मामा भाच्ची जागीच ठार झाले असून कुटुंबातील ६ जण जखमी झाले. लताबाई नाईकनवरे (वय ६०) उषाबाई नाईकनवरे (वय ३५), दादा गोकुळ (वय १४), प्रगती गोकुळ वय (१५), कोमल मडके वय (२४) आणि बाळू सटले (वय १८) अशी जखमींची नावे आहेत.
मयत गोकुळ नाईकनवरे हे ऊसतोड कामगार होते. ऊसतोडणीची उचल घेऊन आपल्या कुटुंबासहित ते मोहटादेवीच्या दर्शनासाठी निघाले होते. मात्र, वाटेतच त्यांच्यावर काळा घातला. या घटनेने परिसरात हळहळ व्यक्त केली जात असून शिरूर कासार पोलीस ठाण्यात अपघाताची नोंद करण्यात आली आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.