Beed Accident : धावत्या कारचे टायर निखळल्याने २ कारचा भीषण अपघात; ५ जण गंभीर जखमी

बीड : भरधाव वेगाने जात असलेल्या गाडीचे टायर निखळल्याने दोन कारचा भीषण अपघात झाला. या अपघातात कारमधील ५ जण गंभीर जखमी झाल्याची घटना घडली. हा (Accident) अपघात (Beed) बीडच्या मस्साजोग गावाजवळ सायंकाळच्या सुमारास घडली. (Latest Marathi News)

बीड- लातूर राष्ट्रीय महामार्गावर वेगाने जात असलेल्या कारचे पाठीमागचे चाक रॉड तुटल्याने बाहेर निघाले. यामुळे हे चाक समोरून येणाऱ्या दुसऱ्या कारवर आदळल्याने दोन्ही गाड्या रस्त्याच्या बाजूला पलटी झाल्या. यामुळे गाड्यांचे प्रचंड नुकसान झाले असून कारमधील ५ जण गंभीर जखमी झाले आहेत. अपघात घडल्यानंतर आजूबाजूच्या परिसरातील नागरिक मदतीसाठी धावले. कारमध्ये अडकलेल्याना बाहेर काढण्यात आले. दरम्यान जखमींवर (Kej) केज येथील उपजिल्हा रुग्णालयात उपचार सुरू आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सुदैवाने जीवितहानी टळली 

भरधाव वेगाने असलेल्या कारचे चाक फुटून व निघाल्याने अपघात होऊन मृत्यू झाल्याच्या घटना यापूर्वी अनेक घडल्या आहेत. मात्र बी- लातूर महामार्गावर झालेल्या या घटनेत सुदैवाने जीवितहानी झाली नाही. दोन्ही कार पलटी होऊन यात कारमधील प्रवाशी जखमी झाले आहेत.