Aditya Thackeray News : 'आदित्य साहेब, पळवून नेलेल्या सत्तारुपी सीतेला हनुमान बनून परत आणा'

Aditya Thackeray News : भाजप रूपी रावणाने सत्तारूपी सीतेला पळवून नेले आहे. तिच्या भोवती सीबीआय आणि ईडी सारखे रक्षक बसवले आहे. तुम्ही हनुमान बनून परत सत्ता आणावी अशी आर्त हाक सांगोला येथील शेतक-याने युवा सेना प्रमुख आमदार आदित्य ठाकरे यांना दिली‌. (sangola latest marathi news)

युवा सेना प्रमुख आदित्य ठाकरे आज (बुधवार) सांगोला (sangola) येथे अतिवृष्टीने नुकसान झालेल्या पिकांची पाहणी करण्यासाठी आले होते. त्यावेळी त्यांनी मांजरी गावातील शेतकऱ्यांशी संवाद साधला. (Maharashtra News)

मांजरी गावातील शेतकरी अतुल कुलकर्णी या शेतकऱ्याने वीज, पाणी, पीक विमा आणि शेती पिकांच्या नुकसान भरपाईसह विविध समस्या मांडल्या. यावेळी त्यांनी हनुमान बनून सत्ता रूपी पळवून नेलेली सिता पुन्हा शेतक-यांच्यााठी आणावी अशी मागणी आदित्य ठाकरेंकडे केली. यावेळी अनेक शेतकऱ्यांनी (farmers) त्यांचे गा-हाणे आदित्य ठाकरे यांच्या समोर मांडले.

Edited By : Siddharth Latkar