Baramati News: शेतजमिनीचा वाद; तहसील कार्यालय आवारात शेतकऱ्याने घेतले पेटवून

बारामती : बारामती तहसील कार्यालयातील आवारात धक्कादायक घटना घडली. इंद्रापूर तालुक्यातील शेतकऱ्याने (Farmer) जमिनीच्या वादातून रॉकेल ओतून घेत पेटवून घेण्याचा प्रयत्न केला. यामुळे (Baramati) तहसिल कार्यालयात खळबळ उडाली आहे. (Live Marathi News)

मिळालेल्या माहितीनुसार बावडा पोलिसांनी व जंक्शन पोलिसांनी तक्रार कामात दिरंगाई केल्याने शेतकऱ्यावर पेटवून घेत आत्महत्या करण्याची वेळ आली असल्याची माहिती सूत्रांनी दिली. यामुळे प्रशासन या शेतकऱ्याच्या प्रश्नाकडे कोणत्या भूमिकेने पाहणार आणि ज्या पोलिसांनी कामात दिरंगाई केली. त्यांच्यावर चौकशी होऊन काय कारवाई होणार हे पाहणं महत्वाचं ठरणार आहे.

शेतकरी उपचारासाठी दाखल

बारामती तहसील कार्यालयात हा धक्‍कादायक प्रकार आज घडला आहे. बारामती शहर पोलिसांनी (Police) तात्काळ त्याठिकाणी जात त्या शेतकऱ्याला ताब्यात घेत त्याला पुढील उपचारासाठी सरकारी रुग्णालयात दाखल करण्यात आले आहे.