Ajit Pawar : ४१ वर्षानंतर उपमुख्यमंत्री अजित पवार माळेगावच्या रिंगणात; साखर कारखान्यासाठी उमेदवारी

बारामती : राज्याचे उपमुख्यमंत्री अजित पवार माळेगाव साखर कारखाना निवडणुकीच्या रिंगणात उतरत आहेत. माळेगाव कारखान्यासाठी ब वर्गातून अजित पवारांची उमेदवारी भरली आहे. अजित पवार यांनी १९८४ ला इंदापूरच्या छत्रपती कारखान्यापासून अजित पवारांच्या कारकिर्दी सुरुवात झाली. आता १९८४ नंतर पुन्हा ४१ वर्षांनी अजित पवार हे माळेगाव कारखान्याच्या निवडणुकीसाठी रिंगणात उतरत आहेत. 

बारामती तालुक्यातील माळेगाव साखर कारखान्याची निवडणूक लागली आहे. यासाठी नामनिर्देश भरण्याची प्रक्रिया सुरु आहे. दरम्यान माळेगाव सहकारी साखर कारखान्यासाठी २२ जून रोजी मतदान पार पडणार आहे. तर आज दुपारी तीन वाजेपर्यंत उमेदवारी अर्ज मागे घेण्याची अंतिम मुदत आहे. यात राज्याचे उपमुख्यमंत्री अजित पवार यांनी खुद्द ब वर्ग प्रतिनिधी म्हणून माळेगाव सहकारी साखर कारखान्याच्या निवडणुकीच्या रिंगणात उतरले आहेत.

अधिकृत घोषणा 
राष्ट्रवादी काँग्रेस अजित पवार गट पुरस्कृत श्री निळकंठेश्वर पॅनलचे अधिकृत उमेदवारांची यादी आज प्रसिद्ध करण्यात आली. यामध्ये ब वर्गातून उपमुख्यमंत्री अजित पवार यांची उमेदवारी घोषित करण्यात आली. यामुळे अजित पवार यांची साखर कारखान्यातील उमेदवारी निश्चित मानली जात असून या निवडणुकीत चुरस वाढणार आहे. 

पुन्हा एकदा साखर कारखाना निवडणुकीच्या रिंगणात 
दरम्यान १९८४ साली इंदापूर तालुक्यातील छत्रपती सहकारी साखर कारखान्याच्या संचालक पदाची निवडणूक लढवून अजित पवारांच्या राजकीय कारकीर्दीला सुरुवात झाली होती. त्यानंतर आता पुन्हा एकदा माळेगाव सहकारी साखर कारखान्याच्या निवडणुकीत उपमुख्यमंत्री अजित पवारांनी स्वतः उमेदवारी दाखल केली आहे. आज तीन वाजता उमेदवारी अर्ज मागे घेण्याची अंतिम मुदत असून अजित पवार स्वतः निवडणुकीच्या रिंगणात उतरले आहेत.