Sangli News : परतीच्या पावसाचा शेतकरी कुटुंबावर घात; घोरपडीत वीज पडून एक ठार

Sangli News : सांगली जिल्ह्यातील कवठेमहांकाळ तालुक्यातील घोरपडी येथे वीज (lightning) अंगावर कोसळल्याने एकाचा मृत्यू झाला आहे. ही घटना मंगळवारी घडली आहे. या घटनेने परिसरात हळहळ व्यक्त केली जात आहे. (Maharashtra News)

सांगली जिल्ह्यात बहुतांश ठिकाणी मंगळवारी पाऊस झाला. कवठेमहाकाळ तालुक्यातील घोरपडीसह परिसरात विजेच्या कडकडाटासह पाऊस सुरू होता. बापू नरळे हे मोटारसायकलने शेतातून नरळेवस्तीवरील घराकडे जात होते. अचानक त्यांच्या अंगावर वीज कोसळली. (Sangli Latest Marathi News)

अंगावर वीज पडताच बापू हे मोटरसायकलवरून खाली पडले. त्यांचे शरीर काळे पडले होते. या घटनेत त्यांचा जागीच मृत्यू झाला. त्यांच्या पश्चात आई, पत्नी, मुलगा, मुलगी, दोन भाऊ असा परिवार आहे. या घटनेने परिसरात हळहळ व्यक्त केली जात आहे. (Breaking Marathi News)

Edited By : Siddharth Latkar