Balasaheb Thackeray Painting : नागपूर येथे विधिमंडळाचं हिवाळी अधिवेशन सुरू आहे. या अधिवेशनातून एक मोठी बातमी समोर आली आहे. विधानभवनात हिंदुह्रदयसम्राट बाळासाहेब ठाकरे यांचं तैलचित्र लावलं जाणार आहे. याबाबतचा प्रस्ताव देखील सरकारकडून विभानसभेत पारित करण्यात आला आहे. मुख्यमंत्री एकनाथ शिंदे यांनी विधानसभा अध्यक्ष राहुल शेवाळे यांच्याकडे मागणी केली होती. ती आज मान्य करण्यात आली आहे. (Maharashtra Political News)
विधानभवनाच्या मध्यमभागी हे तैलचित्र लावलं जाणार आहे. मुख्यमंत्री एकनाथ शिंदे यांनी सत्तेची सूत्रे हाती घेतल्यानंतर ही मंजुरी मिळवली आहे. जवळपास ४० हून अधिक आमदारांसह शिवसेनेतून बंड (शिंदेंच्या शब्दात उठाव) कर गुवाहाटी गाठली होती.
त्यांना १० हून अधिक अपक्ष आमदारांची साथ लाभल्याने राज्यातील महाविकासआघाडी सरकार कोसळलं. त्यानंतर शिंदे यांनी भाजपासोबत हातमिळवणी करून राज्यात शिंदे-भाजप सरकार स्थापन झाले. आता मुख्यमंत्री एकनाथ शिंदे यांनी एका पाठोपाठ एक निर्णयांचा धडाकाच लावला आहे.
दरम्यान, उद्धव ठाकरे हे मुख्यमंत्री असताना, त्यांना याबाबतचा निर्णय घेता आला नव्हता. मात्र बाळासाहेबांच्या विचारांचा वारसा आपल्याकडे असल्याचा दावा करणार्‍या मुख्यमंत्री एकनाथ शिंदे यांनी विधानभवनात मध्यभागी बाळासाहेब ठाकरे यांचे तैलचित्र लावण्याचा निर्णय घेतला आहे. त्याला विधानसभा अध्यक्ष राहुल नार्वेकर यांनी हिरवा कंदीलही दाखवला आहे. त्यामुळे लवकरच विधानभवनात बाळासाहेबांचं तैलचित्र दिसेल.
Edited By - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.