Sanjay Raut: 'त्या' प्रत्येकाचे राजकीय बॉम्ब फोडू; संजय राऊतांचा शिंदे-फडणवीस सरकारला इशारा

Sanjay Raut vs Eknath Shinde : गेल्या दोन दिवसांत आम्ही सरकारमधील तीन मंत्र्यांची प्रकरणं बाहेर काढली ती काय लवंगी फटाका आहेत का? असं म्हणत शिवसेना उद्धव बाळासाहेब ठाकरे गटाचे खासदार संजय राऊत यांनी उपमुख्यमंत्री देवेंद्र फडणवीसांना प्रत्त्युतर दिलं आहे. इतकंच नाही तर, भष्ट मंत्र्यांमुळे संपूर्ण सरकार अडचणीत आहे, येत्या काही दिवसांत आणखी काही मंत्र्यांचे बॉम्ब फोडू, असा इशाराही त्यांनी शिंदे-फडणवीस सरकारला दिला आहे.  (Maharashtra Political News)

विधिमंडळाच्या हिवाळी अधिवेशनात सहभागी होण्यासाठी संजय राऊत (Sanjay Raut) हे नागपुरात गेले आहेत. यावेळी त्यांनी माध्यमांशी संवाद साधला. संजय राऊत यांनी देवेंद्र फडणवीस यांनी केलेल्या लवंगी फटाक्याच्या टीकेलाही जोरदार प्रत्युत्तर दिलं. आतापर्यंत तरी हे जे बॉम्ब, बॉम्ब म्हणताय ते लवंगी फटाके देखील नाहीत, असं फडणवीस म्हणाले होते.

संजय राऊत काय म्हणाले?

'कधीकाळी देवेंद्र फडणवीस हे विरोधीपक्षनेते होते. विधानसभेचा वापर त्यांनी भष्ट्राचाराविरोधात आवाज उठवण्यात केला होता. त्यांनी सरकारमधील मंत्र्यांची अनेक प्रकरणं बाहेर काढली आणि राजीनामा घेण्यासाठी दटून राहिले. आज सत्तेत बसल्यावर त्यांना भ्रष्टाचाराची प्रकरणं जी विरोधी पक्षाने काढली आहे ही त्यांना बॉम्ब न वाटता लवंगी फटाके वाटत आहे का?', असा सवाल राऊतांनी केला. (Latest Marathi News)

'अजून अधिवेशन संपलेलं नाही, आमच्यासाठी सीमाप्रश्नाचा ठराव हा अत्यंत महत्वाचा आहे. त्या प्रश्नामध्ये सीमाप्रश्नाचा ठराव वाहून जाऊ नये, म्हणून आम्ही गप्प आहोत, लवकरच सरकारच्या आणखी काही मंत्र्यांची बाहेर काढू, तेव्हा लवंगी फटाका आहे की बॉम्बस्फोट आहे, याचा निर्णय लवकरच लागेल', असा इशारा संजय राऊत यांनी दिला आहे.

'त्या प्रत्येकाचे बॉम्ब फुटणार'

फक्त एक-दोन नव्हे मंत्री नाही तर संपूर्ण सरकारच अडचणीत आहे. जे शिवसेनेतून फुटून गेलेले आहेत. आणि ज्यांच्या मदतीने देवेंद्र फडणवीस सरकार चालवत आहेत. त्या प्रत्येकांचं तुम्ही लवंगी फटाके म्हणा.. बॉम्ब म्हणा... लवकरच फुटतील, असा इशाराही खासदार संजय राऊतांनी शिंदे-फडणवीस सरकारला दिला आहे.

Edited By - Satish Daud