Sambhaji Bhide News : हा तर सरकारचा डावा, आधी भगतसिंह कोश्यारी आता संभाजी भिडे; 'बसपा'चा सरकारला इशारा (पाहा व्हिडिओ)

Sambhaji Bhide News : शिवप्रतिष्ठान हिंदुस्थानचे प्रमुख संभाजी भिडेंना सात दिवसांत अटक करा, अन्यथा महाराष्ट्रभर तीव्र आंदोलन छेडू असा इशारा बहुजन समाज पार्टीने राज्य सरकारला दिला आहे. प्रशांत लोकरे (प्रदेश महासचिव, बसपा) यांनी साम टीव्हीशी बाेलताना भिडे यांच्यावर टीका केली. (Maharashtra News)

महात्मा फुले यांच्या बद्दल वादग्रस्त वक्तव्य करणाऱ्या संभाजी भिडे यांच्या विरोधात सोलापुरात बहुजन समाज पार्टीच्या वतीने तीव्र निदर्शने करण्यात आली. प्रदेश महासचिव अप्पासाहेब लोकरे यांच्या नेतृत्वाखाली हे आंदोलन करण्यात आले.

देशात अनेक महत्त्वाचे मुद्दे आहेत. केंद्र आणि राज्य सरकार या मुद्द्याला बगल देत असून मूळ मुद्द्यावरून लोकांचे लक्ष विचलित करण्यासाठी संभाजी भिडे आणि महाराष्ट्राचे माजी राज्यपाल भगत सिंह कोश्यारी सारख्या लोकांचा वापर भाजप आणि राष्ट्रीय स्वयंसेवक संघ करीत आहे असा आरोप यावेळी बसपाकडून करण्यात आला.

दरम्यान येत्या 7 दिवसात संभाजी भिडे (sambhaji bhide) यांना अटक करावी अन्यथा राज्यभर आंदोलन छेडू असा इशारा लाेकरे यांनी दिला.

Edited By : Siddharth Latkar