Nagpur News: छापरूनगर परिसरातून भरदिवसा नऊ लाखांची बॅंग चाेरीस; लकडगंज पाेलिस ठाण्यात गुन्हा दाखल

Nagpur Crime News : भरदिवसा नऊ लाख रुपयांच्या पैश्याची बॅग लुटून नेण्याचा प्रकार नागपूर (nagpur) शहरात घडला आहे. या घटनेची नाेंद लकडगंज पाेलिस ठाण्यात (Lakadganj Police Station) झाली आहे. पाेलिस घटनेचा कसून तपास करीत आहेत.

पाेलिसांनी दिलेल्या माहितीनूसार छापरूनगर भागात असलेल्या एका बँकेतून (bank) कोळसा व्यापाराच्या कर्मचाऱ्यांने पैसे काढले हाेते. या पैशांची बॅग त्याने दुचाकीवर ठेवली. दरम्यानच्या काळात त्याच्या पाठीमागून आलेल्या दोन दुचाकीधारकांनी त्याला लाथ मारून खाली पाडले. (Maharashtra News)

त्यानंतर दोघांनी पैशांची बॅग घेत घटनास्थळावरुन पळ काढला. या घटनेची माहिती लकडगंज पोलिसांनी मिळताच त्यांनी घटनास्थळी धाव घेतली. तेथे त्यांनी पंचनामा करीत आसपासच्या नागरिकांकडून घटनेची माहिती घेतली.

पोलीस उपायुक्त गोरख भामरे यांनी दिलेल्या माहितीनूसार अनिल नागोत्रा हे एन. के. अग्रवाल हा कोळसा व्यापा-याकडे काम करतो. त्याने बॅंकेतून पैसे काढल्यानंतर त्याला लुटण्यात आले. सीसीटीव्हीच्या आधारे काही धागेदाेरे हाती लागले आहेत. त्या आधारे आराेपींचा शोध सुरू आहे.

Edited By : Siddharth Latkar