Ashwini Bidre Case : अश्विनी बिद्रे प्रकरणाचा फैसला कधी होणार? महत्वाची माहिती आली समोर, सुनावणीदरम्यान कोर्टात काय घडलं?

Ashwini Bidre Case update : अश्विनी बिद्रे प्रकरणात मोठी अपडेट हाती आली आहे. या प्रकरणाचा फैसला २१ एप्रिल रोजी होणार आहे.
Ashwini Bidre News
Ashwini Bidre CaseSaam tv
Published On

रणजीत माजगावकर, साम टीव्ही

पोलीस अधिकारी अश्विनी बिद्रे हत्या प्रकरणाचा फैसला २१ एप्रिल रोजी होणार आहे. गेल्या काही वर्षांपासून या प्रकरणाची सुनावणी अलिबाग आणि पनवेल सत्र न्यायालयात सुरु होती. त्यानंतर आज पनवेल सत्र न्यायालयाकडून प्रकरणात शिक्षा सुनावण्यात येणार होती. बिद्रे प्रकरणात पनवेल सत्र न्यायालयाचे अतिरिक्त सत्र न्यायाधीश के. जी. पालदेवार यांच्याकडून आरोपींना शिक्षा सुनावण्यात येणार होती. मात्र, या प्रकरणाचा फैसला २१ एप्रिल रोजी ढकलण्यात आला आहे.

Ashwini Bidre News
Ashwini Bidre Court Hearing : कोणाला माफ करू नका! न्यायाधीशांसमोरच अश्विनी बिद्रेंची मुलगी ढसाढसा रडली, कोर्टात शांतता

अश्विनी बिंद्रे हत्याकांड प्रकरणातील आरोपींना आता २१ एप्रिल रोजी शिक्षा सुनावण्यात येणार असल्याचं निश्तिच झालं आहे. कोर्टाने आज सरकारी वकील आणि आरोपीच्या वकिलांचा युक्तिवाद ऐकून घेतला. यासोबतच अश्विनी बिद्रे यांच्या कुटुंबियांची बाजू जाणून घेतली. कोर्टाने या प्रकरणाचा निकाल राखून ठेवलाय.

Ashwini Bidre News
 महिला पोलीस अधिकारी अश्विनी बिद्रे यांच्या हत्या प्रकरणात मोठा खुलासा 

बिद्रे प्रकरणाचा निकाल आता २१ एप्रिल रोजी जाहीर केला जाणार असल्याचे घोषित केले. कोर्टाने यावेळी हे प्रकरण दुर्मिळातील दुर्मिळ असल्याचं म्हटलं आहे. कोर्टाच्या निर्णयानुसार आता आरोपी अभय कुरुंदकर याला 21 एप्रिलला शिक्षा सुनावली जाणार आहे.

Ashwini Bidre News
Pune Crime : ५ कोटी दे नाहीतर...; पुण्यातील नामांकित बिझनेसमॅनला पाकिस्तानमधून खंडणीचा फोन; शहरात खळबळ

अॅड प्रदीप घरत यांनी कोर्टात काय मागणी केली?

अॅड प्रदीप घरत म्हणाले की, '५० वर्षीय वयाच्या अधिकाऱ्याने त्याच्याच मुलांच्या वयाच्या मुलीची हत्या केली. पोलिसांना समाजात मान आणि विश्वास असतो. पण आरोपीने समाजाचा विश्वास घात केला आहे. आरोपींना मृत्यूदंड देण्याची मागणी केली. पोलिसांनी तपासात मोठा हलगर्जीपणा केलाय. बिद्रे प्रकरणातील अमूल्य पुरावा पोलिसांनी नष्ट केलाय. पोलीस कमिशनर हेमंत नगराळे यांनीही मदत केली आहे'.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com