Maratha Andolan: आम्ही मनोज जरांगे यांना न्याय मिळेपर्यंत सोबत; अर्जुन खोतकरांनी मांडली सरकारची भूमिका

Arjun khotkar Latest News:

गेल्या १२ दिवसांपासून जालन्यातील अंतरवाली सराटी गावात मराठा आंदोलक मनोज जरांगे आंदोलनाला बसले आहेत. यामुळे मराठा आरक्षणाचा मुद्दा ऐरणीवर आला आहे. काल मुंबई सह्याद्री अतिथीगृहावर झालेल्या बैठकीनंतर मराठा समाजाचे शिष्टमंडळ जालन्यात दाखल झालं. तसेच या बैठकीनंतर मनोज जरांगे काय निर्णय घेतात, याकडे साऱ्यांचे लक्ष लागले आहे. याचदरम्यान, राज्य सरकारतर्फे माजी मंत्री अर्जुन खोतकर यांनी अंतरवाली सराटी गावात सरकारची भूमिका मांडली. यावेळी आम्ही मनोज जरांगे यांना न्याय मिळेपर्यंत सोबत, अशी भूमिका अर्जुन खोतकरांनी भूमिका मांडली. (Latest Marathi News)

अंतरवाली सराटी येथे उपोषणस्थळी अर्जुन खोतकर यांनी उपस्थितांशी संवाद साधला. यावेळी माजी मंत्री अर्जुन खोतकर यांनी सरकारची भूमिका मांडली. अर्जुन खोतकर म्हणाले, 'मनोज जरांगे पाटील जेवढे उपोषणामध्ये आहेत, तेवढाच मी देखील या उपोषणात आहे. या उपोषणाची भूमिका प्रभावीपणे मांडता यावी, अशी जबाबदारी माझ्यावर मुख्यमंत्री एकनाथ शिंदे दिली आहे'.

'मनोज जरांगे पाटील यांनी जो लढा उभा केला, त्यामुळे जेव्हा जेव्हा आरक्षणाचा लढा उभा राहील, तेव्हा तेव्हा मनोज पाटील यांचा इतिहास उभा राहील. मराठा आरक्षणाचा अहवाल ११ दिवसात सादर करण्यात आला, परंतु तो हायकोर्टात गेला. त्या अहवालाबाबत हायकोर्टाने प्रश्न उपस्थित केला, असे ते म्हणाले.

'ज्यांच्या नोंदी नाहीत, त्यांच्या बाबत जरागे यांचा आग्रह होता. ज्यांच्या नोंदी नाहीत, त्यांना सरसगट कुणबी प्रमाणपत्र द्यावी, अशी मागणी करण्यात आली आहे. मात्र, त्याबाबत मुख्यमंत्र्यांनी वेळ मागितला आहे, असेही खोतकर म्हणाले.

'जो पर्यंत न्यायमूर्ती अंतिम निर्णय देत नाही, तो पर्यंत 2004 च्या जीआरची अंमलबजावणी करण्याच्या सूचना मुख्यमंत्र्यांनी दिल्या आहेत. जीआराबाबत जरागे पाटील यांनी आपली भूमिका मांडावी. सरकारने समिती नेमली, त्याबाबत काम करण्याचे आदेशही देण्यात आले आहेत, अशी माहिती अर्जुन खोतकर यांनी दिली आहे.