बीड जिल्ह्याच्या सीमेवर होणार अँटिजेन टेस्ट - धनंजय मुंडे

बीड - बीड जिल्ह्यातील वाढत्या कोरोना रुग्ण संख्येच्या पार्श्वभूमीवर, जिल्ह्याचे पालकमंत्री धनंजय मुंडे यांनी जिल्हाधिकारी कार्यालयामध्ये आज आढावा बैठक घेतली आहे. या बैठकी दरम्यान पालकमंत्री मुंडे यांनी संबंधित आरोग्य प्रशासनास योग्य त्या सूचना केल्या आहेत.

हे देखील पहा -

बीड जिल्ह्यात कोरोना रुग्णांची संख्या वाढते आहे. दररोज जवळपास 200 हुन अधिक रुग्ण निघत आहेत. आज दिवसभरात 180 नव्या रुग्णांची वाढ झालीय. त्यामुळेच दिवसेंदिवस वाढणारी रुग्ण संख्या आटोक्यात आणण्यासाठी, नगर जिल्ह्याशी संलग्न असणाऱ्या आष्टी, पाटोदा, आणि शिरूर तालुक्यात प्रशासनाने कडक निर्बंध आणले आहेत.

या तालुक्याचा संबंध थेट नगर जिल्ह्याशी येत असल्याने, आरोग्य प्रशासनाच्या वतीने जिल्ह्याच्या सीमेवर अँटिजेन तपासणी केंद्र उभारण्यात येणार आहे. या निर्णयामुळे रुग्ण संख्या कमी होण्यास मदत होईल. असा विश्वास पालकमंत्री धनंजय मुंडे यांनी व्यक्त केलाय. त्याबरोबरच तिसऱ्या लाटेसाठी आरोग्य प्रशासन सज्ज असून लसीकरण वाढविण्याच्या सूचना देखील यावेळी देण्यात आल्या आहेत.

Edited By : Krushnarav Sathe