Sassoon Hospital Shocking Incident: 'ससून'मधून आणखी एक धक्कादायक प्रकार उघडकीस, डॉक्टर, वैद्यकीय कर्मचाऱ्यांची नचर चुकवून सुरू होता भयंकर प्रकार

Sassoon Hospital Shocking Incident

पुण्यातील ससून रुग्णालयातील ललित पाटील प्रकरण ताजे असतानाच ससून मधील आणखी एक धक्कादायक प्रकार समोर आला आहे. ससून रुग्णालयातील शिक्के चोरीला गेल्यामुळे खळबळ माजली आहे. आरोपींनी शिक्के चोरून बनावट वैद्यकीय प्रमाणपत्र तयार केल्याची माहिती उघड झाली असून या प्रकरणी बंडगार्डन पोलिसांनी एकाला अटक केली आहे. प्रकाश पांडुरंग मोंडकर आणि सत्पाल पवार या दोघांविरुद्ध गुन्हा दाखल करण्यात आला आहे.

या दोघांनी १४ डिसेंबर रोजी ससूनमधील वैद्यकीय अधीक्षक कार्यालयातून डॉक्टर आणि कर्मचाऱ्यांची नजर चुकवून शिक्के चोरी केले होते. त्याआधारे बनावट वैद्यकीय प्रमाणपत्र तयार केले. ही बाब समोर आल्यानंतर डॉ. दामशेट्टी यांनी बंडगार्डन पोलीस ठाण्यात तक्रार दिली. नेमके हे बनावट प्रमाणपत्र या आरोपींनी कोणाला वाटली आहेत आणि त्यातून किती रक्कम कमावली याचा तपास सध्या पोलीस करत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)