Amravati News: भाजी विक्रेत्याचा किळसवाणा प्रकार, चक्क सांडपाण्यात धुतल्या भाज्या; अमरावतीकरांच्या आरोग्याशी खेळ सुरू; पाहा VIDEO

अमर घटारे, अमरावती

आपण खरेदी करत असलेला भाजीपाला नक्की चांगला आहे की नाही? असा प्रश्न अनेकांना पडतो. त्यामुळे भाजी खरेदी करताना आपण ती चांगील आहे की नाही याबाबत विक्रेत्याकडे विचारणा करतो किंवा ती व्यवस्थित पाहून घेतो. सोशल मीडियावर व्हायरल होणाऱ्या अनेक व्हिडीओ आणि फोटोंमुळे नागरिकांच्या मनामध्ये ही भीती निर्माण झाली आहे.

कधी घाणेरड्या पद्धतीन बनवलेली पाणीपुरी, कधी सडलेल्या फळांचा ज्यूससाठी वापर केला जातो. जे पाहून आपल्याला किळस आल्याशिवाय राहत नाही. अशामध्ये अमरावतीमध्ये भाजी विक्रेत्याचा किळसवाणा प्रकार समोर आला आहे. चक्क सांडपाण्यात भाजी धुतल्याचा व्हिडीओ समोर आला असून तो व्हायरल होत आहे.

अमरावतीमध्ये भाजीपाला विक्रेत्यांचा नागरिकांच्या आरोग्याशी खेळ सुरू आहे. एका भाजी विक्रेत्याने चक्क फ्लाय ओव्हरच्या सांडपाण्यात भाजीपाला धुतला. त्याचा व्हिडीओ सध्या व्हायरल होत आहे. हा व्हिडीओ पाहून अमरावतीकरांनी संताप व्यक्त केला आहे. गेल्या १० ते १२ दिवसांपासून अमरावती जिल्ह्यात मोठ्या प्रमाणात पाऊस सुरू आहे. त्यामुळे अमरावतीच्या इर्विन चौक ते राजापेठ उड्डाण पुलाचे सांडपाणी नेहमीच वाहत असते याचा गैरफायदा काही भाजीपाला विक्रेते घेत असल्याचे पाहायला मिळत आहे.

एक भाजीपाला विक्रेता चक्क फ्लायओहरच्या सांडपाण्यात भाजीपाला धुवून विक्रीला नेत असल्याचे समोर आले आहे. त्याचा व्हिडीओ सध्या व्हायरल होत आहे. या प्रकारामुळे भाजीपाला विक्रेत्यांचा अमरावतीकरांच्या आरोग्याशी खेळ सुरू असल्याचे धक्कादायक वास्तव पुढे आले असून आपण खात असलेला भाजीपाला खरच खाण्यायोग्य आहे का? असा सवाल यानिमित्ताने उपस्थित केला जात आहे. त्यामुळे आता या भाजीपाला विक्रेत्यांवर काय कारवाई केली जाते याकडे सर्वांचे लक्ष लागले आहे.