Amit Shah’s Strategy: अमित शाहांची खेळी, पुन्हा शिंदेंकडे जबाबदारी ?

ओबीसीतूनच आरक्षणासाठी मुंबईत मनोज जरांगेंच्या आंदोलनाची हलगी कडाडली आणि मुंबईत चक्काजाम झालाय.. त्याचीच धडकी सरकारला भरलीय.. त्यामुळे आंदोलन चिघळण्याची शक्यता असल्याने मुंबई दौऱ्यावर असलेल्या अमित शाहांनी आधी विनोद तावडे आणि त्यानंतर एकनाथ शिंदेंसोबत मराठा आंदोलनावर चर्चा केलीय... एवढंच नाही तर शिंदेंनीच जरांगेंचं आंदोलन हाताळावं, अशा सूचना अमित शाहांनी दिल्याची माहिती सूत्रांनी दिलीय...

एकनाथ शिंदे हे स्वतः मराठा आहेत. एवढंच नाही तर एकनाथ शिंदेंनी मुख्यमंत्री असताना ज्या पद्धतीने मनोज जरांगेंचं आंदोलन यशस्वीपणे हाताळलं होतं.. त्याच प्रकारे आता सुरु असलेलं आझाद मैदानावरील आरक्षणाचं आंदोलन हाताळण्यासाठी एकनाथ शिंदेंना सूचना दिल्या आहेत..

.

त्यामुळेच गुजरातमधील पटेल आंदोलनासारखं मनोज जरांगेंचं आंदोलन चिघळू नये म्हणून शिंदेंच्या हाती मध्यस्थीचे सूत्र देण्यात आल्याचं म्हटलं जातंय.. मात्र आता अमित शाहांच्या सूचनेनुसार एकनाथ शिंदें आंदोलनात मध्यस्थ्याची भूमिका घेणार की शाहांचा दौरा संपताच पुन्हा दरे गावी गणपतीसाठी रवाना होणार? यावर आंदोलनाची दिशा आणि सरकारची दशा ठरण्याची शक्यता आहे....