Vidhan Sabha Election Result : अकोल्यात बंडखोरीचा भाजपला फटका; काँग्रेसचे साजिद खान पठाण विजयी

अक्षय गवळी 

अकोला : विधानसभा निवडणुकीत बहुतेक मतदारसंघात बंडखोरी झाली होती. या बंडखोरीचा फटका अकोल्यामध्ये भाजपला बसला आहे. यामुळे अकोल्यात काँग्रेसचे साजिद खान पठाण विजयी झाले असून अकोला पश्चिमचे भाजप उमेदवार विजय अग्रवाल यांचा पराभव केला आहे. 

विधानसभा निवडणुकीसाठी (Vidhan Sabha Election) मतमोजणी प्रक्रिया पार पडली असून यात महायुतीला स्पष्ट बहुमत मिळाले आहे. मात्र यंदाच्या निवडणुकीत बहुतांश मतदारसंघात बंडखोरी झाली होती. यात अकोला पश्चिम मध्ये भाजपच्या पदाधिकाऱ्यांकडून बंडखोरी करण्यात आली होती. याचाच फटका भाजप उमेदवाराला बसला आहे. दरम्यान (Akola News) अकोला पश्चिम मतदारसंघामधून २२ व्या फेरीअखेर काँग्रेसचे उमेदवार साजिदखान पठाण १२८३ मतांनी विजयी झाले आहेत. 

दरम्यान, काँग्रेसचे साजिद खान पठाण हे विजयी झाले आहेत. भाजपचे बंडखोर उमेदवार हरीश अलीमचंदानी अशोक ओळंबे यांच्या उमेदवारीमुळे भाजपचे उमेदवार विजय अग्रवाल यांना मोठा फटका बसला आहे. बंडखोर उमेदवार अलीमचंदानी यांनी २१ हजारांहून जास्त मत घेतल्याने भाजपाला अकोला पश्चिममध्ये मोठा धक्का बसला आहे.