अजित पवार विमान अपघाताला नवं वळण; रोहित पवारांचा मोठा गौप्यस्फोट

अजितदादांचा मृत्यू... आणि त्यानंतर दररोज नव्यानव्या संशयामुळे अपघात की घातपात याचं वाढत चाललेलं गूढ आता नव्या वळणावर पोहोचलंय...कारण रोहित पवारांनी नवा गौप्यस्फोट केलाय.. दोन्ही राष्ट्रवादी एकत्र येण्याच्या शक्यतेमुळेच नाराजांनी हा घातपात केल्याचा संशय रोहित पवारांनी व्यक्त केलाय.. त्यासाठीच व्हीएसआर कंपनीनं खोटी कागदपत्रं वापरल्याचा आरोपही रोहित पवारांनी केलाय..दुसरीकडे दारु पिण्यामुळे निलंबित केलेल्या पायलटला कामावर घेतल्यानंतर पैशांसाठी कुणी दबाव टाकला का? असा सवाल रोहित पवारांनी उपस्थित केलाय..

रोहित पवार फक्त हे फक्त आरोप करुन थांबलेले नाहीत... तर त्यांनी दादांच्या विमानाचा अपघात होण्यापूर्वी काढलेल्या विमान आणि पायलटच्या विम्यावर बोट ठेवून संशय आणखी बळकट केलाय... हे विमान कोणत्याही परिस्थितीत पाडायचंच, असं ठरवूनच या विमानात जास्तीचं इंधन भरलं होतं का? असाही प्रश्न रोहित पवारांनी उपस्थित केलाय.. दुसरीकडे ब्लॅक बॉक्स जळाल्याचा दावा विमान अपघात तपास संस्थेनं केलाय... या दाव्याचीही रोहित पवारांनी पोलखोल केलीय..

रोहित पवारांच्या दाव्यानंतर शेतकरी नेते राजू शेट्टी यांनीही या वादात उडी घेत संशयाचं धुकं आणखीच गडद केलंय.. अहमदाबाद विमान अपघात असो वा जगातील मोठे विमान अपघात झाल्यानंतरही ब्लॅक बॉक्स सुरक्षित राहतात. मग या अपघातात ब्लॅक बॉक्स जळालाच कसा? असा सवालच राजू शेट्टींनी उपस्थित केलाय.. रोहित पवार ज्या पद्धतीनं पॉवर पॉईंट प्रेझेंटेशन करुन अनेक दावे करत आहेत.... अनेक शंका उपस्थित करुन वेगवेगळ्या संस्थांची पोलखोल करत आहेत.. त्यामुळे आता या प्रकरणाची सखोल चौकशी होऊन सत्य समोर आलंच पाहिजे.... असाच सूर देशभरातून उमटतोय...