Ajit Pawar : 'झालं गेलं गंगेला मिळालं! विधानसभेसाठी दादांनी जोडले हात; चुकांचा कबुलीनामा दादांना तारणार?

भरत मोहोळकर, साम टीव्ही प्रतिनिधी

लोकसभेला फटका बसल्यानंतर अजित पवारांनी झालेल्या चुकांची कबुली द्यायला सुरुवात केलीय. नेमक्या कोणत्या चुकांची कबुली दादांनी दिलीय? त्याबरोबरच जनसन्मान यात्रेतून दादांनी काय आवाहन केलंय? त्यावरचा हा विशेष रिपोर्ट....

ऐकलत....लोकसभेतल्या पराभवाचा चांगचाच धसका अजितदादांनी घेतलाय. आता विधानसभेतही मतदारराजानं कंबरडं मोडू नये यासाठी दादांनी जनसन्मान यात्रा सुरू केलीय. या यात्रेत दादा दिलखुलासपणे मतदारांशी संवाद साधत आहेत....चुकांची कबुली देत आहेत....लोकसभेत झालेल्या चुका टाळण्याचा निर्धार कऱणा-या अजितदादांनी आतापर्यंत कोणत्या चुकांची कबुली दिली ते पाहूयात..

दादांच्या कबुलीनाम्यानंतर सुप्रिया सुळेंनी मात्र पुण्यात अमित शाहांनी भ्रष्टाचाऱ्यांचे सरदार म्हणल्याची आठवण करून दिलीय.एकीकडे अजित पवार जाहीर सभांमधून चुकींची कबूली देत माफी मागत आहेत. तसंच झालेल्या चुकांवर आपण काय काळजी घेत आहोत, हे सांगताना थेट हात जोडून लोकसभेप्रमाणे फटका न बसू देण्याची विनंती करत आहेत.

अजितदादा कितीही म्हणत असले की झालं गेलं ते गंगेला मिळालं....मात्र गेल्या पाच वर्षांत झालेल्या बंडखो-या...बदलेली राजकीय समीकरणं...याचा सगळा हिशोब विधानसभा निवडणुकीत मतदारराजा करणार की तोही झालं गेलं ते गंगेला मिळालं म्हणणार याकडेच अजितदादांसह सा-या महाराष्ट्राचं लक्ष लागलंय.