Maharashtra Live News Update:नाशिक शहरात आज पाणी पुरवठा बंद

-- बेझे धरणातून पाईपलाईनने आणणार पाणी

- त्र्यंबकेश्वरमधील अरुंद कुशावर्तातील गर्दी विकेंद्रित करण्यासाठी प्रशासनाचा प्रयत्न

- बेझे धरणातून पाईपलाईनने पाणी उचलून गौतमी, गोदावरी, गंगासागर, इंद्र आणि कुशावर्त कुंडात आणलं जाणार

- गोदावरी नदी बारमाही वाहण्यासाठी ३३० कोटींचा प्रकल्प

- त्र्यंबकेश्वरसह नाशिकमधील घाट देखील आकर्षक करण्याचा निर्णय

- नाशिक शहरात आज शनिवारी पाणीबाणी

- संपूर्ण शहराचा पाणी पुरवठा आज राहणार बंद

- तर उद्या रविवारी देखील होणार कमी दाबाने पाणी पुरवठा

- शहरातील विविध जलकुंभ, जलशुद्धीकरणाच्या पाईपलाईन दुरुस्ती आणि तांत्रिक कामानिमित्त आज दिवसभर पाणीपुरवठा राहणार बंद

- नागरिकांनी काटकसरीने पाण्याचा वापर करण्याचं पालिका प्रशासनाचं आवाहन

साताऱ्यातील सोमनाथ जाधव या शिक्षकाने एक खास शैक्षणिक ऍप्लिकेशन तयार केले आहे, ज्यामुळे पालकांना आपल्या मुलांच्या प्रत्येक हालचालीवर लक्ष ठेवणे सोपे होणार आहे. या शैक्षणिक ॲपचा शाळा आणि पालकांना उपयोग होणार असून या ॲप चे अनावरण पालकमंत्री शंभूराज देसाई यांच्या हस्ते पालकमंत्री कार्यालयात करण्यात आले..

पहिलीपासून ते अगदी कॉलेजमधील विद्यार्थ्यांपर्यंत सर्वांसाठी हे ऍप्लिकेशन खूप उपयुक्त ठरणार असून. शाळा आणि महाविद्यालयांना या ऍपच्या मदतीने मुलांच्या प्रत्येक हालचालीवर लक्ष ठेवता येईल. महत्त्वाचे म्हणजे, मुलांमध्ये दिवसभर होणाऱ्या सर्व घडामोडींची माहिती आणि शैक्षणिक माहिती यामुळे पालकांना लगेच मिळणार असल्याची माहिती सोमनाथ जाधव यांनी दिलीये.

- प्रमाणपत्रांच्या बनावटगिरीला आळा बसणार

- सावित्रीबाई फुले पुणे विद्यापीठाचा सुरक्षितता आणि पारदर्शकपणासाठी निर्णय

- विद्यापीठातील विविध प्रमाणपत्रे आणि श्रेयांकपत्रकांची छपाई इंडियन सिक्युरिटी प्रेसमध्ये होणार

- पूर्वीच्या प्रमाणपत्रांमध्ये केवळ ६ सुरक्षा मानके, आता वाढून ती १६ सुरक्षा मानकांपर्यंत जाणार

- या निर्णयामुळे प्रमाणपत्रांची विश्वासार्हता आणखी मजबूत होणार

एक दिवसाच्या उघडीप नंतर पुन्हा एकदा हिंगोली जिल्ह्याला परतीच्या पावसाने झोडपले आहे, हिंगोलीच्या सेनगाव तालुक्यातील आजेगाव ,सिंधगी, सेनगाव सह हिंगोलीत मुसळधार पाऊस कोसळला आहे,या पावसाने शेतकऱ्यांच्या शेतात प्रचंड पाणी जमा झाले असल्याने पुन्हा एकदा पिके पाण्याखाली गेली आहेत.

पुण्यातील सह्याद्री रुग्णालयात यकृत प्रत्यारोपण करत असताना दाम्पत्याचा मृत्यू प्रकरण

त्या प्रकरणी राज्य सरकारने नेमली चौकशी समिती

मात्र त्या समितीचा अहवाल अजूनही आरोग्य विभागाला दिला नाही

या प्रकरणात सह्याद्री रुग्णालयाला क्लीनचिट देणार की ठपका ठेवणार हे पाहावे लागेल

१५ ऑगस्टला बापू कोमकर यांना यकृत दान करणारी पत्नी आणि बापू या दोघांचाही मृत्यू झाला

या प्रकरणात रुग्णालयावर आरोप करण्यात आला आहे यासाठी राज्य सरकारने चौकशी समिती नेमली आहे.

नातेवाईकांनी केली होती कारवाईची मागणी

हिंगोलीच्या सेनगाव तालुक्यातील केंद्रा खुर्द गावात जिल्हा परिषदेच्या शाळेच्या शिक्षकाची बदली झाल्याने विद्यार्थ्यांच्या अश्रूंचा बांध फुटला आहे, सर तुम्ही आमच्या शाळेतून जाऊ नका असे म्हणत विद्यार्थ्यांनी आपल्या अश्रूंना वाट मोकळी करून दिली, गेल्या पाच वर्षापासून या जिल्हा परिषदेच्या शाळेत गणेश उजाडे हे शिक्षक विद्यार्थ्यांना नियमित अध्यापनाचे धडे द्यायचे, त्यासोबतच अनेक विद्यार्थ्यांना स्वतःच्या मुलाप्रमाणे सांभाळत मायेचा ओलावा द्यायचे मात्र प्रशासकीय कारणास्तव आता त्यांची बदली दुसऱ्या शाळेत झाल्याने त्यांनी या शाळेचा निरोप घेतला यावेळी शिक्षक गणेश उजाडे यांना देखील अश्रू अनावर झाले होते.

धाराशिव च्या उमरगा तालुक्यात गेली दोन दिवसात झालेल्या पावसाने नाईचाकूर परिसरातील अनेक शेतकऱ्यांचा तोडणीस आलेले ऊस आडवा झाला आहे.वर्षभर काबाडकष्ट करून उसाचे पीक शेतकऱ्यांनी कसेबसे जगवले होते.पावसामुळे अनेक शेतकऱ्यांचा ऊस जमीनदोस्त होऊन लाखो रुपयांचे नुकसान झाले आहे.

सततच्या पावसामुळे शेतकऱ्यांच्या शेती पिकातील तूर,सोयाबीन,या पिकांचे मोठे नुकसान झाले आहे.शेतकऱ्यांना तात्काळ पंचनामे होऊन आर्थिक मदत मिळावी अशी मागणी केली जात आहे.

धाराशिव च्या परंडा तालुक्यातील सीना कोळेगाव प्रकल्पाच्या पानलोट क्षेत्रात दररोज कमी अधिक प्रमाणात दमदार पाऊस पडत असल्याने सिना कोळेगाव प्रकल्पाच्या 13 दरवाजातून 21 हजार 700 क्युसेकने सिना नदीपाञात पाण्याचा विसर्ग सुरू करण्यात आला आहे.परंडा तालुक्यातील पाच टिएमसी क्षमता असलेल्या सीना कोळेगाव प्रकल्पासह खासापुरी चांदणी साकत मध्यम प्रकल्प व निम्म खैरी मागील महिन्यात ओव्हरफ्लो झाले आहेत.तर सिना कोळेगाव प्रकल्पात येणाऱ्या पाण्याची आवक पाहून विसर्ग कमी अधिक केला जात आहे.

रस्त्यातील अडथळे,अतिक्रमण दूर करा, नोव्हेंबर अखेरपर्यंत खड्डे मुक्त करा असे आदेश महापालिका आयुक्त यांनी प्रशासनाला दिले. पण त्याचवेळी दुसरीकडे पोलिसांतर्फे शहरातील तब्बल ५५० किलोमीटरचे रस्ते सीसीटीव्हीची केबल टाकण्यासाठी खोदण्यात येणार आहे. याची सुरुवात नवी पेठेतील राजेंद्रनगरमधून झाली आहे. त्यामुळे पुणे खड्डे मुक्त कसे होणार? असा प्रश्‍न उपस्थित झाला असून, महापालिकाही संभ्रमित झाली आहे.

अकोल्यात 'किसान ब्रिगेड'च्या वतीने 'शेतकरी लूट वापसी संवाद सभा' पार पडलीय. ही सभा गाजलीय ती 'प्रहार'चे नेते बच्चू कडू आणि शेतकरी नेते रविकांत तुपकर यांच्या वादग्रस्त विधानांनी... या सभेसाठी देश आणि राज्यातील शेतकरी नेते अकोल्यात आले होतेय. भारतीय किसान युनियनचे नेते राकेश टिकैत, बच्चू कडू, रविकांत तूपकर, प्रकाश पोहरे, अजित नवले, विश्वास उटगी आदी नेते या सभेला उपस्थित होतेय. 

या सभेत बोलताना 'प्रहार'चे नेते बच्चू कडू यांनी त्यांच्या नुकत्याच झालेल्या जळगाव येथील आंदोलनानंतर दाखल झालेल्या गुन्ह्यांचा उल्लेख केलाय. जळगावातील आंदोलनात आम्ही फक्त जिल्हाधिकारी कार्यालयाचे गेट तोडलंंय. यानंतर राज्यात होणाऱ्या आंदोलनात आम्ही आता थेट कलेक्टरलाच तोडू, असा वादग्रस्त इशारा बच्चू कडू यांनी दिलाय.

उद्धव ठाकरे यांचा ४ ऑक्टोबर रोजी पुणे दौरा

शिवसैनिकांना उद्धव ठाकरे करणार मार्गदर्शन

आगामी महापालिका निवडणुकीची पायभरणीला होणार सुरुवात

स्थानिक स्वराज्य निवडणुकीची तयारी, कार्यकर्त्यांना मार्गदर्शन, पक्ष संघटना मजबूत करणे याविषयी उद्धव ठाकरे करणार मार्गदर्शन

एक दिवसीय मार्गदर्शनाला पुणे शहरातील सर्व पदाधिकारी, शिवसैनिक राहणार उपस्थितीत

बालगंधर्व रंग मंदिर या ठिकाणी कार्यक्रमाचे आयोजन होण्याची शक्यता

Rain Alert: आज (ता. २०) मध्य महाराष्ट्र, मराठवाडा, पूर्व विदर्भात तुरळक ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे.