Ahmednagar News : मुलीची छेड काढल्याने दोन गटात राडा; गावात तणावपूर्ण शांतता

सचिन बनसोडे 

राहुरी (अहमदनगर) : अहमदनगर जिल्ह्यातील राहुरी तालुक्यात दोन गटात मारहाणीची घटना घडली आहे. राहुरी (Rahuri News) तालुक्यातील उंबरे गावात मुलीची छेडछाड केल्याच्या कारणावरून झालेल्या मारहाणीत दोघे गंभीर जखमी झाले असून गावाला (Police) पोलीस छावणीचे स्वरूप आले आहे. (Live Marathi News)

राहुरी तालुक्यातील उंबरे गावात बुधवारी (२६ जुलै) रात्री दोन गटात राडा झाल्याची घटना घडली आहे. अल्पवयीन मुलीची छेड काढण्याच्या कारणावरून दोघांना बेदम मारहाण करण्यात आली आहे. यानंतर दोन गट समोरासमोर आले. या प्रकरणानंतर गावात तणाव निर्माण झाला होता. तर या घटनेत दोनजण गंभीर जखमी झाले आहेत. 

१५ संशयितांना घेतले ताब्यात 

या घटनेनंतर राहुरी पोलीसांनी तात्काळ घटनास्थळी दाखल होत रात्री गावात कोंबिंग ऑपरेशन राबविले. यात १५ संशयित आरोपींना ताब्यात घेतले आहे. घटनेमुळे गावात तणावपूर्ण शांतता असून गावाला पोलीस छावणीचे स्वरूप आले आहे.