Ahmednagar News: शेततळ्यात बुडून सख्ख्या बहिण भावाचा मृत्यू; मन सुन्न करणाऱ्या घटनेने नगर हळहळलं

सुशिल थोरात, प्रतिनिधी

Ahmednagar News:

अहमदनगर जिल्ह्यातून एक काळीज पिळवटून टाकणारी दुर्देवी घटना समोर आली आहे. नगर जिल्ह्यातील पाथर्डी तालुक्यात शेततळ्यात बुडून सख्ख्या बहिण- भावाचा मृत्यू झाला. मन सुन्न करणाऱ्या या घटनेने परिसरात हळहळ व्यक्त केली जात आहे. (Ahmednagar News Update)

याबाबत सविस्तर माहिती अशी की, अहमदनगर जिल्ह्याच्या पाथर्डी तालुक्यातील अल्हनवाडी येथे शेततळ्यात बुडून भाऊ आणि बहिणीचा मृत्यू झाल्याची अत्यंत दुःखद घटना घडली आहे. पायल संदीप पांढरे (इयत्ता तिसरी) आणि सुरज संदीप पांढरे (इयत्ता दुसरी) अशी या दोघांची नावे आहेत.

दोघेही बहिण भाऊ निवासी आश्रम शाळेत शिक्षण घेत होते. आज दुपारी (शुक्रवार, २७ ऑक्टोंबर) शेततळ्यावर गेले असता ही दुर्दैवी घटना घडली. या घटनेची माहिती मिळताच पोलिसांसह, स्थानिकांनी घटनास्थळी धाव घेतली. घटनेने परिसरात हळहळ व्यक्त केली जात असून पोलीस याबाबतचा अधिक तपास करत आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१५ दिवसांतील दुसरी घटना...

दरम्यान, १५ दिवसांपूर्वी नगर जिल्ह्यात अशीच एक मन सुन्न करणारी घटना समोर आली होती. खर्डा (Ahmednagar) येथून भुमकडे जाणाऱ्या शिर्डी- हैद्राबाद राष्ट्रीय महामार्गा लगत पाझर तलावावर आईसोबत कपडे धुण्यासाठी गेलेल्या दोन मुले व एका मुलीचा पाण्यात बुडून मृत्यू झाला होता. सुदैवाने एका वाटसरुमुळे आईचे जीव वाचवण्यात आले होते. (Latest Marathi News)