Ahmednagar News : विद्यार्थ्यांना घेऊन ग्रामस्थांनी पंचायत समितीत भरवली शाळा; शिक्षक हजर होत नसल्याने पालक संतप्त

सुशील थोरात

अहमदनगर : जिल्हा परिषदेमार्फत जिल्हा अंतर्गत बदली प्रक्रिया राबवून शिक्षकांची नियुक्ती केली. नियुक्ती आदेश (Zp School) दिल्यानंतर दोन महिन्यांचा कालावधी उलटल्यानंतर देखील शिक्षक अद्याप शाळेत हजार झालेला नाही. यामुळे संतप्त पालकांनी विद्यार्थाना घेऊन (Shrigonda News) श्रीगोंदा पंचायत समितीतच शाळा भरविली. (Latest Marathi News)

अहमदनगरच्या (Ahmednagar) श्रीगोंदा येथे खांडगाव वडघूळ येथील ग्रामस्थांनी गावातील शाळकरी विद्यार्थ्यांची पंचायत समितीमध्ये शाळा भरवली आहे. दोन महिन्यापूर्वी जिल्हा अंतर्गत शिक्षक बदली प्रक्रियेमध्ये बदली होऊन आलेल्या शिक्षक शाळेत हजर न झाल्याने विद्यार्थ्यांचे शैक्षणिक नुकसान होत आहे. पालकांकडून आणि ग्रामपंचायतकडून पाठपुरावा करूनही गावातील शाळेत शिक्षक हजर होत नसल्याने संतापलेल्या ग्रामस्थांनी श्रीगोंदा येथील पंचायत समिती कार्यालयातच विद्यार्थ्यांची शाळा भरवली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शिक्षकांवर कारवाईची मागणी 

पंचायत समितीत आलेल्या ग्रामस्थांनी शिक्षण विभागाकडून बदली होऊनही हजर न होणाऱ्या शिक्षकांवर कारवाई करावी; अशी मागणी केली आहे. याच बरोबर गावात हजर होतील अशा शिक्षकांची नियुक्ती करावी अशी मागणी ग्रामस्थांनी केली आहे.