Vasai- Bhayander News : वसई ते भाईंदर समुद्रात रो रो सेवेला सुरुवात; नागरिकांचा वाचणार वेळ

महेंद्र वानखेडे

वसई : वसई विरार व मीरा भाईंदर शहरातील अंतर कमी करणारी रो रो सेवेला (vasai) आजपासून प्रायोगिक तत्वावर सुरवात करण्यात आली आहे. या सेवेमुळे नागरिकांचा वेळ वाचणार आहे. (Live Marathi News)

महाराष्ट्र सागरी मंडळामार्फत वसई खाडीत वसई-भाईंदरदरम्यान (Bhayander) प्रायोगिक तत्त्वावर रो-रो प्रवासी फेरीबोट सेवा आजपासून (२० फेब्रुवारी) सुरू करण्यात आली आहे. या रो-रो बोटीचे सुरक्षित व सुलभ नौकानयन, जेट्टी आणि बोटीतून प्रवासी आणि वाहनांची सुलभ चढ-उतार आणि सुयोग्य नौकानयन मार्ग या सर्व बाबींची खात्री झाल्यानंतर या फेरीबोट सेवेचा लोकार्पण सोहळा औपचारिकरित्या करण्यात येणार आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सुवर्णदुर्ग शिपींग व मरीन सर्विसेस प्रा. लि. यांच्या मार्फत चालविली जाणाऱ्या या जान्हवी या फेरीबोटीची क्षमता ३३ वाहने व १०० प्रवाशी इतकी असणार आहे. अवघ्या दहा ते पंधरा मिनिटाचा हा समुद्री मार्ग असणार आहे. ही सेवा ३ महिन्याच्या प्रायोगिक तत्त्वावर सुरु करण्यात आली असून भरती व ओहोटीच्या वेळी या फेरीबोटीच्या मार्गात बदल होणार असल्याचीं माहिती महाराष्ट्र सागरी मंडळाकडून देण्यात आली आहे. आज या समुद्री मार्गातील रो रो सेवेची सुरुवात झाल्यानंतर अनेक स्थानिक नागरिकांनी या बोटीतून प्रवास केला.